وقيعا 2 شىلدە كۇنى قوستاناي قالاسىنداعى ساياباقتاردىڭ بىرىندە ورىن العان. اتالمىش اقپاراتتى قوستاناي قالالىق پروكۋراتۋراسىنىڭ باسشىسى قايرات ءجۇسىپوۆ راستادى، دەپ حابارلايدى قامشى اقپاراتتىق اگەنتتىگى Alau.kz سايتىنا سىلتەمە جاساپ.

3 شىلدە كۇنى قوستاناي ءىىب بولىمىنە 22 جاستاعى قىزدان ارىز كەلىپ تۇسكەن. جاقىن تانىمايتىن جىگىتكە قاتىستى قانداي دا ءبىر شارا قولدانۋىن سۇرايدى.

«وقيعا 2 شىلدە كۇنى ساعات 2:30 شاماسىندا ورىن العان. ەكەۋى بىرگە الكوگولدى ىشىمدىك ىشكەننەن كەيىن جىگىت قىزعا تاپ بەرىپ، ەركىنەن تىس زورلىققا جىققان. وپەراتيۆتى تەرگەۋ جۇمىستارىنىڭ ناتيجەسىندە، قوستاناي ءىىب بولىمشەسىنە 1998 جىلعى ەر جىگىت جەتكىزىلدى»، - دەيدى قايرات ءجۇسپوۆ.

تەرگەۋ جۇمىستارى بارىسىندا 19 جاستاعى جىگىت ءوزىنىڭ كىناسىن مويىنداپ، 2 شىلدە كۇنى سول قىزبەن بىرگە الكوگولدى ىشىمدىك ىشكەندىگىن ايتقان. بىرنەشە ۋاقىت وتكەننەن كەيىن ول قىزدىڭ قارسىلاسقاندىعىنا قاراماستان ونىمەن جاقىن قاتىناسقا تۇسكەن.

ءقازىر وسى ىسكە قاتىستى مەديسينالىق ەكپسەرتيزا تاعايىندالدى.