قازاقستان ءانشىسى ديماش قۇدايبەرگەننىڭ اتىمەن ەندى ۇشاق جارىققا شىعادى، دەپ حابارلايدى قامشى اقپارات اگەنتتىگى. اتالمىش حابارمەن ديماش قۇدايبەرگەننىڭ دوسى الپامىس ءشارىموۆ ءبولىستى.
"TianDao كومپانياسى Eastern company-مەن بىرگە جەكە تاپسىرىسقا ۇشاق شىعاراتىن بولدى. بۇل ۇشاق "Moonlight blade" ونلاين ويىنى جەلىسىنە ارنالماق. ديماش وسى ويىنعا "ۋاقىت-تەڭىز" اتتى ساۋندترەك جازعان بولاتىن. 22 تامىزدا ءوزىنىڭ العاشقى رەيسىن شانxايدان پەكينگە ورىندايتىن اتالمىش ۇشاقتا ديماشتىڭ بەينەسى جارىققا شىعاتىن بولادى. ۇلكەن اۋە كەمەسى ەندى قازاقستان ءانشىسى ديماش قۇدايبەرگەننىڭ اتىمەن برەندكە اينالماق"، - دەپ جازدى ول ءوزىنىڭ فەيسبۋكتەگى پاراقشاسىندا.
ديماش قۇدايبەرگەن قازاقتىڭ ماڭدايىنا بىتكەن تالانت. قىتايدا وتكەن I am singer بايقاۋىنندا ءوز ونەرىن سىنعا سالىپ، وزىپ شىققان قازاق بالاسى بۇگىندە الەمگە تانىمال.
شولۋشى: گۇلىم جاقان
