دايش تەرروريستىك توبىنىڭ سودىرلارى ۇيىم باسشىسى ابۋ باكر ءال-باعداديدىڭ قايتىس بولعاندىعى جايلى اقپاراتتى راستادى، دەپ حابارلايدى قامشى اقپاراتتىق اگەنتتىگى Sputnik سايتىنا سىلتەمە جاساپ.

بۇل جايىندا اقپارات جەرگىلىكتى Al Sumaria تەلەارناسىندا جاريالانعان.

بىرنەشە كۇن بۇرىن رەسەي قورعانىس مينيسترلىگىندە ءال-باعدادي 28 مامىر كۇنى راككي ايماعىنا رەسەيدىڭ جاساعان سوققىسىنىڭ سالدارىنان قازا تاپتى دەگەن اقپارات جاريالانعان بولاتىن. شابۋىلدىڭ ناتيجەسىندە، 330 سودىر ولتىرىلگەن. ماۋسىم ايىنىڭ سوڭىنا قاراي يراندىق تەلەارنالاردا دايش تەرروريستىك ۇيىمىنىڭ باسشىسى بولۋى مۇمكىن دەگەن اتپەن سۋرەتتەر جاريا بولعان.

ابۋ باكر ءال-باعدادي (شىن ەسىمى – يبراگيم اۆاد يبراگيم ءال-بادري) 2014 جىلدىڭ شىلدە ايىندا تاياۋ شىعىستاعى «يسلام حاليفاتىن» جاريا ەتكەن بولاتىن. ول 1971 جىلى يراكتا تۋىلىپ، تەگەراندىق يسلام ۋنيۆەرسيتەتىندە ءبىلىم العان جانە باعداد مەشىتتەرىنىڭ بىرىندە يمام بولعان، كەيىننەن تەرروريستەردىڭ قاتارىنا قوسىلىپ، «ال-كايدانىڭ» يراكتاعى ءبولىمىن باسقارعان. كەيىننەن ول باسقارعان ۇيىم دايش اتتى ۇيىمعا اينالىپ، ال-كايدادان ءبولىنىپ شىققان. 2014 جىلى تەرروريستەر يراك پەن سيريانىڭ سولتۇستىگىن باسىپ الىپ، راككي قالاسىن وزدەرنىڭ استاناسى ەتىپ، ال ءال-باعداديدى «حاليف يبراگيم» دەپ اتاپ كەتكەن.