كييەۆ رەسەيلىكتەر ءۇشىن ۋكراينا تەرريتورياسىنا كىرۋدىڭ جاڭا ءتارتىبىن ەنگىزدى، دەپ جازادى قامشى اقپارات اگەنتتىگى.

ۇلتتىق قاۋىپسىزدىك جانە قورعانىس ءمينيسترىنىڭ حاتشىسى ءمالىم ەتكەندەي، 2018 جىلدان باساپ رەسەي ازاماتتارى ۋكراينعا كەلۋ ءۇشىن ۋكراينا سىرتقى ىستەر مينيسترلىگىندە الدىن الا تىركەۋدەن وتۋلەرى شارت. سونداي-اق رەسەيلىكتەر ۋاقىتشا تىركەۋگە تۇرىپ، ءار قادامدارى جايىندا حابارلاپ وتىرۋلارى كەرەك.

بۇدان وزگە، الداعى جىلدان باستاپ ۋكرايناعا كەلەتىن كەز-كەلگەن شەتەلدىك ازامات بيومەتريالىق قۇجاتپەن كىرەدى. اتالمىش شەشىم جايىندا دۇيسەنبى كۇنى ۋكراينا پرەزيدەنتى پەتر پوروشەنكو مالىمدەدى. ونىڭ ايتۋىنشا، مۇنداي ءادىس ەلدەگى «تەرروريزممەن كۇرەستى كۇشەيتۋ» ءۇشىن قاجەت. تۋرچينوۆ بيومەتريالىق قۇجاتتاردىڭ ەڭ الدىمەن رەسەيلىكتەردە بولۋىن تالاپ ەتتى. بۇل شارا كرەملگە كورسەتىلىپ جاتقان قىسىمعا جاۋاپ رەتىندە جاسالدى.  

ەقىۇ-نىڭ پارلامەنتتىك اسسامبلەياسى ۋكراينانىڭ ەگەمەندىگى جانە تەرريتوريالىق تۇتاستىعىن قالپىنا كەلتىرۋدى قولدايتىن رەزوليۋسيانى قابىلدادى. پارلامەنتتىك اسسامبلەيا رەسەيدى قىرىمدى وككۋپاسيالاۋدى جانە تەررويستىك ارەكەتتەردى قارجىلاندىرۋدى توقتاتۋعا شاقىردى. سونداي-اق، ەقىۇ كرەملدەن دونباس اۋماعىنان قارۋلى قۇرىلىمدارىن الىپ كەتۋدى تالاپ ەتتى.

شولۋشى: گۇلىم جاقان