مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى. وتىرىستا كيبەرقاۋىپسىزدىكتى قامتاماسىز ەتۋ مەن تەرروريزمنىڭ الدىن الۋ جونىندەگى وزەكتى ماسەلەلەر تالقىلاندى، دەپ حابارلايدى قامشى اقپاراتتىق اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
قازاقستان پرەزيدەنتى قازىرگى كەزدە سيفرلىق تەحنولوگيالاردى ەنگىزۋدىڭ ماڭىزدىلىعىنا توقتالىپ، بۇل رەتتە كيبەر قاۋىپ-قاتەرگە جانە اقپاراتتىق تەحنولوگيالاردى زاڭسىز پايدالانۋعا قارسى تۇرۋ قاجەتتىگىن اتاپ ءوتتى.
– اقپاراتتىق-كوممۋنيكاسيالىق تەحنولوگيالار ادام ءومىرى مەن مەملەكەتتىڭ بارلىق سالاسىندا كەزدەسەدى. سوندىقتان مەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدا سيفرلىق تەحنولوگيالاردى دامىتۋ ماقساتىن قويدىم. ونىڭ پايداسى زور، ءبىراق ونى ەنگىزۋمەن بىرگە كيبەرشابۋىلدار جاساۋ ءقاۋپى دە تۋىندايدى. سول سەبەپتەن قازاقستان وعان دايىن بولۋعا ءتيىس، – دەدى ەلباسى.
نۇرسۇلتان نازاربايەۆ جيىنعا قاتىسۋشىلار نازارىن ەلىمىزدەگى جانە الەمدەگى تەرروريستىك توپتاردىڭ دەسترۋكتيۆتى ارەكەتتەرىنىڭ سالدارلارىنا اۋدارىپ، وسى باعىتتا ءتيىمدى جۇمىستار جۇرگىزۋدى ءبىر جولعا قويۋ قاجەتتىگىن ايتتى.
سوڭىندا مەملەكەت باسشىسى ءبىرقاتار ناقتى تاپسىرما بەردى.
