11 شىلدەدە «اتامەكەن» ۇلتتىق كاسىپكەرلەر پالاتاسىندا «قازاقستان مەن وزبەكستانداعى تۇرعىن ءۇي باسقارماسى» تاقىرىبىندا حالىقارالىق كونفەرەنسيا ءوتتى. جيىنعا نەمىس قاۋىمداستىعى مەن بيزنەسىنىڭ وكىلدەرى، وزبەكستاننان كەلگەن تەڭ قۇقىلى سەرىكتەستەر، مەملەكەتتىك ورگاندار، پاتەر يەلەرى كووپەراتيۆتەرىنىڭ وكىلدەرى، قازاقستاننىڭ 14 وڭىرىنەن كوتەرىلىپ وتىرعان ماسەلەگە قىزىعۋشىلىق تانىتقان باسقارۋشى جانە سەرۆيستىك كومپانيالار قاتىستى.

اتالعان كونفەرەنسيا ۇلتتىق پالاتا مەن نەمىس، وزبەك سەرىكتەستەرىنىڭ ءۇشجىلدىق ىنتىماقتاستىعىنىڭ باستاپقى ءىس-شاراسىنا اينالدى.

ەسكە سالساق، «اتامەكەن» ۇكپ 2017 جىلدىڭ 31 مامىرىندا  IWO-باستاماسىمەن «شىعىس ەۋروپاداعى تۇرعىن ءۇي شارۋاشىلىعى» تۋرالى كەلىسىمگە قول قويعان ەدى. بۇل كەلىسىم تۋرالى ۇلتتىق پالاتانىڭ IV سەزىندە ايتىلدى. جوبانى ەۋرووداق قارجىلاندىرادى.

«بۇگىندە تۇرعىن ءۇي كوممۋنالدىق شارۋاشىلىعى سالاسىنا قوعام قايراتكەرلەرى، ق ر پارلامەنتىنىڭ دەپۋتاتتارى عانا ەمەس، مەملەكەت باسشىسى نازار اۋدارىپ وتىر. بۇل سالا رەفورمالاۋدىڭ كەلەسى كەزەڭى اياسىندا مەملەكەتتىك رەتتەۋ قاعيداتتارىن جەتىلدىرۋ نىسانىنا اينالىپ وتىر»، – دەپ ءسوز باستادى «اتامەكەن» ق ر ۇكپ باسقارما ءتوراعاسىنىڭ ورىنباسارى ەلدوس رامازانوۆ.

«تۇرعىن ءۇي قاتىناستارى تۋرالى» زاڭنىڭ قابىلدانعانىنا 10 جىل تولدى جانە تۇرعىن ءۇي قورىن باسقارۋ قاعيدالارى تۇبەگەيلى وزگەرمەدى. 1197 جىلدان بەرى تۇرعىن ءۇي قورىن باسقارۋ مەنشىك يەسىنىڭ قولىنا ءوتتى. قازىرگى جاعداي ولارعا بىلىكتى ۇيىمداستىرۋشىلاردىڭ كاسىبي تاجىريبەسى كەرەك ەكەنىن انىق كورسەتەدى.

«بۇگىندە قازاقستاندا 78 مىڭ تۇرعىن ءۇي سانىندا تىركەلگەن شامامەن 35 مىڭ كوندومينيۋم بار. ناتيجەسىندە پاتەر يەلەرى كووپەراتيۆىنە 6 تۇرعىن ۇيدەن كەلەدى دەگەن ءسوز. مالىمەتتەرگە سۇيەنسەك، 2016 جىلى مەملەكەتتىك ورگاندارعا پيك قىزمەتىنە 5 مىڭ شاعىم تۇسكەن. بۇل ماسەلەنىڭ قوردالانعانىن كورسەتەدى»، – دەپ اتاپ ءوتتى باسقارما ءتوراعاسىنىڭ ورىنباسارى.

قازاقستاندا كوپپاتەرلى تۇرعىن ءۇي سانى – 78371، ولاردىڭ ىشىندە – 20 437 (26%) اپاتتىق جاعدايدا تۇر.

بۇل ماسەلەنى ۇلتتىق كاسىپكەرلەر پالاتاسى دا نازاردان تىس قالدىرمادى. تۇرعىن ۇي-كوممۋنالدىق شارۋاشىلىعى جۇيەسىن ساپالى مودەرنيزاسيالاۋ كەرەك. بيزنەستىڭ ماسەلەسىن شەشۋگە، شوعىرلاندىرۋ، نىعايتۋ ءۇشىن جانە قىزمەت ءۇشىن نەگىزدى قالىپتاستىرۋعا ارنايى قۇرىلعان «اتامەكەن» وسى باعىتتاعى جۇمىستى قارقىندى جۇزەگە اسىرۋدى قولعا الدى.

جوبا بويىنشا ەڭ الدىمەن الەۋەتتى قاتىسۋشىلار توبىن، زاڭنامالىق جەتىلدىرىلمەگەندىكتى، باسقارۋشى كومپانيا مەن پيك-تىڭ مۇمكىندىكتەرىن جانە الەۋەتىن زەرتتەۋ جوسپارلانعان.

جوبانىڭ تولىق مەرزىمى ىشىندە ۇلتتىق پالاتا بيزنەسكە جىلجىمايتىن مۇلىكتى باسقارۋدى دۇرىس ءارى جوعارى دەڭگەيدە باسقارۋعا كومەكتەسۋ ءۇشىن بىرنەشە سەمينار ۇيىمداستىرۋدا جوسپارعا ەنگىزدى.

كونفەرەنسيا اياسىندا نەمىس سەرىكتەستەر ءوز باياندامالارىندا گەرمانيادا تۇرعىن ءۇيدى باسقارۋ جۇيەسىندەگى ەرەكشەلىكتەر تۋرالى، تۇرعىن ءۇي باسقارۋىنداعى بيزنەس-دەلدالدىق ۇيىمداردىڭ قىزمەتى قانداي قاعيدالار نەگىزىندە قۇرىلعانى تۋرالى حابارلادى.

«قازاقستاندا جۇمىس ىستەگەنىمىزگە 10 جىلدان استى. ءبىز ۇلتتىق پالاتاداي سەنىمدى سەرىكتەس تاپتىق، وسى ارقىلى تاجىريبە الماسىپ، بىرلەسكەن جوبالاردى قولعا الدىق. تۇرعىن ءۇي قورىن دامىتۋ – ماڭىزدى باعىتتاردىڭ ءبىرى. سوندىقتان ورىن العان ماسەلەنى شەشۋگە ءاردايىم دايىنبىز»، – دەدى گەرمانياداعى IWO كومپانياسىنىڭ ديرەكتورى كنۋت حەللەر.

ال وزبەكستانداعى تۇرعىن ءۇي قورىنا قىزمەت كورسەتەتىن كاسىبي باسقارۋشى ۇيىمدار قاۋىمداستىعىنىڭ اتقارۋشى ديرەكتورى باشورات دجۋمايەۆا ءوز ەلدەرىندەگى باسقارۋ جۇيەسى تۋرالى باياندادى.

IWO جوباسىنىڭ ۇيلەستىرۋشىسى يوحانن شترەزە جوبا اياسىندا گەرمانيادا تاجىريبە الماسۋ قاراستىرىلعانى جوسپاردا بار ەكەنىن اتاپ ءوتتى.

«ءبىز تۇرعىن ءۇيدى ۇزدىك باسقارۋ تاجىريبەسىنە بايقاۋ جاريالايمىز. وعان وسى سالاداعى كوپتەگەن قاتىسۋشىلار شاقىرىلماق. ولاردىڭ ىشىندە جەكە كومپانيالاردا، پيك وكىلدەرى دە بولادى. بايقاۋ جەڭىمپازدارى گەرمانيادا ءبىلىم الۋ مۇمكىندىگە يە بولىپ، تۇرعىن ءۇي باسقارۋداعى نەمىس تاجىريبەسىن يگەرەدى»، – دەپ حابارلادى يوحانن شترەزە.

جيىن بارىسىندا «تۇرعىن ۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اكسيونەرلىك قوعامى مەن «اشىق تاريف» قازاقستاندىق قاۋىمداستىعىنىڭ باسشىلارى دا ءوز ويلارىن ورتاعا سالدى.

قازاقستان تاراپىنان سەرىكتەس «اتامەكەن» بولعانى كوڭىل قۋانتادى، دەمەك، وسى باعىتتاعى كوپ ماسەلە شەشىمىن تابادى. بۇل سالاعا سەنىمدى زاماناۋي كومپانيالار قاجەت. مەنىڭ ويىمشا، تۇرعىن ۇي-كوممۋنالدىق  شارۋاشىلىعىنا ەكى دەڭگەيلى جۇيە ەنگىزىلۋى  ءجون. بىرىنشىدەن، ءبىر ءۇي – ءبىر كوندومينيۋم – ءبىر پاتەر يەلەرىنىڭ كووپەراتيۆى. ەكىنشىدەن، قالالىق ىقشام اۋدان دەڭگەيىندە باسقارۋشى كومپانيالاردى ءمجا جوباسى نەگىزىندە قۇرۋ قاجەت»، – دەپ ۇسىندى  «اشىق تاريف» قازاقستاندىق قاۋىمداستىق ءتورالقاسىنىڭ ءتوراعاسى پەتر سۆويك. 

جوبانىڭ ماقساتى: باسقارۋشى، قىزمەت كورسەتۋشى، سەرۆيستىك جانە باسقا دا كومپانيالار مىندەتىن جاقسارتۋ، اتالمىش ۇيىمداردىڭ ءوز قىزمەتىن جوعارى دەڭگەيدە اتقاراتىن ادال ۇيىمداردىڭ مارتەبەسىن نىعايتۋ، سونىمەن قاتار تۇرعىن ۇي-كوممۋنالدىق شارۋاشىلىق سالاسىن دامىتۋعا قولايلى جاعداي جاساۋ.

 شارا سوڭىندا ۇكپ باسقارما ءتوراعاسىنىڭ ورىنباسارى ەلدوس رامازانوۆ قاتىسۋشىلاردىڭ قىزىعۋشىلىق تانىتقاندارىنا العىس ءبىلدىرىپ، جۇمىس بارىسىنا بەلسەندى اتسالىسۋعا شاقىردى.

«ءبىرىنشى كەزەكتە نارىققا قاتىسىپ وتىرعان تاراپتاردى انىقتاپ الۋ ماڭىزدى، ورىن العان ماسەلەلەردى دە انىقتاپ، جۇيەلەۋ قاجەت. باسقارۋشى كومپانيالار، سەرۆيستىك كومپانيالار، تۇرعىن ۇي-كوممۋنالدىق شارۋاشىلىقتار وكىلدەرىن جوباعا بەلسەندى ارالاسىپ، ءوز ۇسىنىستارىن بىلدىرۋگە، جۇمىستىڭ باسىنان باستاپ ماسەلەلەردى شەشۋگە اتسالۋعا ۇندەيمىن»، – دەدى ەلدوس رامازانوۆ.