حالىقارالىق ەكسپو-2017 مامانداندىرىلعان كورمەسىنىڭ ميلليونىنشى كەلۋشىسى انىقتالدى، دەپ جازادى قامشى اقپارات اگەنتتىگى. ول استانا مەكتەبىنىڭ ماتەماتيكا ءپانىنىڭ ءمۇعالىمى گۇلجيھان جاڭابەرگەنوۆا بولدى.

«استانا ەكسپو-2017» ۇك» اق ءتوراعاسى احمەتجان ەسىموۆ ميلليونىنشى قوناقتى قۇتتىقتادى. ول قوناققا ەكسپو-2017-گە كىرەتىن كوپ رەتتىك ابونومەنتتەر، ديۋ سولەي سيركىنە بيلەتتەر، پلانشەت، پورتاتيۆتىك زاريادتاۋ قۇرىلعىسىن جانە كورمە سيمۆولى بەينەلەنگەن ەسكەرتكىش كادەسىيلاردى تارتۋ ەتتى. بۇل تۋرالى ق ر پرەمەر-مينيسترىنىڭ رەسمي سايتىندا حابارلاندى.

«ءبىز كورمەنى وتكىزۋ كەزىندە بارلىعى ەكى ميلليون كەلۋشى بولادى دەپ جوسپارلاعان ەدىك، ءبىراق كورىپ وتىرسىزدار، 31 كۇننىڭ ىشىندە بىزدە ميلليون قوناق بولدى. ءقازىر ءبىز بەلسەندىلىكتىڭ جوعارى دەڭگەيىن بايقاپ ءجۇرمىز، وتكەن جۇمادا ءبىر كۇننىڭ ىشىندە 66 مىڭ كەلۋشى بولدى – بۇل وتە جاقسى كورسەتكىش. ءبىز العا قويعان جوسپار بويىنشا ءجۇرىپ كەلەمىز جانە جاسىراتىنى جوق، بۇگىنگى ميلليونىنشى كەلۋشى ءبىزدى قۋانتتى»، - دەدى ا. ەسىموۆ.

گ. جاڭابەرگەنوۆا كورمەگە جولداسىمەن جانە ءۇش جاسار قىزىمەن كەلگەن:

«مەن استانانىڭ №76 مەكتەبىندە ماتەماتيكا ءپانىنىڭ ءمۇعالىمى بولىپ جۇمىس ىستەيمىن. مۇندا ەكىنشى رەت كەلىپ تۇرمىن، العاشىندا باستى جاتتىعۋ كەزىندە جۇمىس ۇجىمىممەن كەلدىم، ءبىراق ول كەزدە «نۇر-الەم» سفەراسىنا بارا المادىم. بۇگىن وتباسىممەن كەلدىم، وسىلاي بولارىن كۇتكەن دە جوقپىن»، - دەدى استانانىڭ باقىتتى تۇرعىنى.

ءمالىم بولعانداي، حالىقارالىق «استانا ەكسپو-2017» مامانداندىرىلعان كورمەسىنە 100-دەن استام ەل مەن شامامەن 10 حالىقارالىق ۇيىم قاتىسىپ جاتىر.

ۇيىمداستىرۋشىلار ەكسپو-2017-گە 2 ملن ادام كەلەدى دەپ، ال جالپى كەلۋ سانى شامامەن 5 ملن بولادى دەپ كۇتۋدە. كەلۋشىلەردىڭ 85% قازاقستاندىقتار، ال قالعان 15% شەت مەملەكەتتەردىڭ ازاماتتارى بولادى دەپ كوزدەلگەن. اقش، ەۋروپا، تۇركيا، جۇڭگو جانە تمد ەلدەرىنەن كەلەتىن تۋريستەردىڭ سانى باسىم بولادى دەپ كۇتىلۋدە.

10 شىلدەدەگى جاعداي بويىنشا، حالىقارالىق پاۆيلونداردى ارالاۋدىڭ جيىنتىق سانى - 5 960 212 قۇرادى. كورمە كەشەنىنىڭ نەگىزگى نىساندارىنا ادامدار 834 579 رەت بارعان. وسى كۇنگە دەيىن ادامداردىڭ ەڭ كوپ بارعان نىسانى – «نۇر الەم»، وعان 303 007 ادام بارعان. بولجالدى ەسەپ بويىنشا شەتەلدىك كەلۋشىلەردىڭ سانى 130 مىڭنان جوعارى نەمەسە شامامەن 14% قۇرايدى.

شولۋشى: گۇلىم جاقان