«ەكسپو-2017» كورمەسى اياسىندا استانانىڭ ۇلتتىق تەننيس ورتالىعىندا پرەزيدەنت كۋبوگى ءۇشىن ATP Challenger جانە ITF Women's سەريالارى بويىنشا ۇلكەن تەننيستەن ءحىح حالىقارالىق تۋرنير وتەدى دەپ جازادى Qamshy.kz اقپارات اگەنتتىگى Vesti.kz مالىمەتىنە سۇيەنىپ. جالپى جۇلدە قورى 225 مىڭ اقش دوللارىن قۇرايدى.

17-23 شىلدە كۇندەرى وتەتىن بايراقتى باسەكەگە الەمنىڭ 30 ەلىنەن 200-گە جۋىق تەننيسشى قاتىسادى. ولاردىڭ قاتارىندا الەمدىك رەيتينگتىڭ توپ-جۇزدىگىنە كىرەتىن سپورتشىلار دا بار. قازاقستان نامىسىن ميحايل كۋكۋشكين، اندرەي گولۋبيەۆ، دميتريي پوپكو جانە كاميلا كەرىمبايەۆا قورعايتىن بولادى. 

تۋرنير اياسىندا 8-15 شىلدە ارالىعىندا «كەرۋەن» ويىن-ساۋىق ورتالىعىندا قازاقستان قۇراما كومانداسىنىڭ مۇشەلەرى شەبەرلىك ساباقتارىن وتكىزەدى. ءدال وسى كۇندەرى، ياعني 17-23 شىلدەدە «Astana Masters 12& under President's Cup» بالالار تەننيسى جانە اۋەسقوي تەننيسشىلەر اراسىندا «Astana Open» ءتۋرنيرى دە وتەدى. 

شولۋشى: ايگەرىم تاۋباي