اقتوبە وبلىسىنىڭ العا اۋدانى، ەركىنكۇش اۋىلى ماڭىنداعى بەيىتتە ءبىر جەرگە ەكىنشى ادامنىڭ جەرلەنگەنى انىقتالدى، دەپ حابارلايدى Qamshy.kz اقپارات اگەنتتىگى قازاقپارات-قا سىلتەمە جاساپ.
«قازىرگى ۋاقىتتا تەكسەرۋ جۇمىسى جۇرگىزىلىپ جاتىر. بەيىتكە تاعى ءبىر ادام ارۋلانىپ جەرلەنگەن ەكەن. قازاقتىڭ ءسالت-داستۇرى ساقتالعان، ءبىراق ءاتى-جونى جازىلماعان، قۇجاتى جوق. ىزدەستىرۋ جۇمىستارى ءجۇرىپ جاتىر. جەرلەنگەن ادامنىڭ ءقابىرىنىڭ ۇستىنە بەلگىسىز ءبىر ايەل ادامدى كومىپ كەتكەن»،- دەدى العا اۋدانى اكىمىنىڭ ورىنباسارى انۋاربەك جەڭىس ۇلى.
ايتا كەتەيىك، وقيعا ەركىنكۇش اۋىلى ماڭىنداعى بەيىتتە بولدى. بەيىتتەگى وزگەرىستى بۇرىن جەرلەنگەن ادامنىڭ تۋعان-تۋىستارى ءبىلىپ، كەيىن پوليسياعا حابار بەرگەن.
