استاناعا ومبى وبلىسىنداعى تاريحي مۇراعاتتان قۇندى قۇجاتتار اكەلىندى.
ەلىمىزدىڭ باس قالاسى - استانادا كەنەسارى حان جايلى تىڭ دەرەكتەردەن قۇرالعان ارنايى كورمە جۇمىسىن باستادى دەپ جازادى Qamshy.kz قازاقستاننىڭ رەسەيدەگى ەلشىلىگى تاراتقان اقپاراتقا سۇيەنىپ.
"وندا كوپشىلىك نازارىنا كەنەسارى حان، سونداي-اق شوقان ءۋاليحانوۆتىڭ اجەسى ايعانىم حانىم تۋرالى بۇرىن كەزدەسپەگەن قۇجاتتار ۇسىنىلدى. ومبى وبلىسى تاريحي ارحيۆىندەگى ازاماتتىق سوعىستى زەرتتەۋ ورتالىعىنىڭ جەتەكشىسى گالينا بورودينانىڭ ايتۋىنشا، قازاق حالقىنىڭ تاريحى ءۇشىن ماڭىزدى قۇجاتتاردى زەرتتەۋشىلەر ءۇشىن العاش رەت كوپشىلىك نازارىنا ۇسىنىپ وتىرمىز. قازاق تاريحىندا ەلەۋلى ورنى بار تۇلعالارعا قاتىستى ەڭ قىزىق دەرەكتەردى ىرىكتەپ اكەلدىك.
كورمەدەن XIX عاسىرعا تيەسىلى اقمولا وبلىسىنىڭ كارتاسى مەن وزگە دە قۇندى مالىمەتتەردى كورۋگە بولادى. 10-15 بەتتەن تۇراتىن 40 شاقتى قۇجاتتا اقمولا مەن ومبى وبلىستارىنىڭ بارلىق تاريحىن قامتيتىن دەرەكتەرى استانا قالاسىنىڭ مەملەكەتتىك مۇراعاتىنا تاپسىرىلادى"، - دەپ جازىلعان ەلشىلىك حابارلاماسىندا.
