37 جاستاعى تاكسي جۇرگىزۋشىسى دجاحير حۋسسەين ءوزىنىڭ قۇرباندارىن ءتۇرلى بار مەن مەيرامحانا تۇسىنان تاۋىپ وتىرعان. ءوزى - لوندون تۇرعىنى. ونىڭ كولىگىنە  ايەل ادامدار كوبىنەسە ماس كۇيىندە وتىرادى ەكەن. ايلاكەر تاكسي جۇرگىزۋشىسى ولاردىڭ ۇيىقتاپ قالعانىن كۇتىپ، كەيىن ولاردىڭ كيىمدەرىن جىرتىپ تاستاپ، زورلاعان. الايدا، قىلمىسكەر كوپ ۇزاماي قولعا ءتۇستى. ول ءبىر ايەلگە كولىگىندە ۇمىتىپ كەتكەن تەلەفونىن قايتارماق بولعان، سول مەزەتتە پوليسيا قىزمەتكەرلەرى ونى ۇستاپ العان، دەپ حابارلايدى Life.ru سايتى.

ءوزىنىڭ كەزەكتى قۇيتۇرقى جوسپارىن ىسكە اسىرعاننان كەيىن پوليسيا بولىمشەسىنە ءۇش ايەل بارىپ ارىزدانعان.

ايەلدەردىڭ ءبىرىنىڭ ايتۋىنشا، دجاحير حۋسسەين ونى اۆتوتۇراققا الىپ بارىپ، سول جەردە زورلاعان. ول پوليسياعا ارىزداناتىندىعىن ايتقان كەزدە، دجاحير دەرەۋ كەتىپ قالعان. كەيىننەن تەلەفونىن ۇمىتىپ كەتكەنى ايەلدىڭ ەسىنە تۇسەدى. حۋسسەين ونىڭ تەلەفونىن الىپ كەلىپ بەرۋگە كەلىسكەن، سول ۋاقىتتا ءزابىر كورگەن ايەل ونىڭ كولىگىنىڭ ءنومىرىن ەسىندە ساقتاپ قالعان.

سوت شەشىمى بويىنشا، دجاحير حۋسسەين 12 جىلعا باس بوستاندىعىنان ايىرىلدى.