تۇرعىن ءۇي قىزمەتتەرى باسقارماسىنىڭ №43 ءبولىمىنىڭ باستىعى يۋسيف احمەدوۆ ءوزىنىڭ كابينەتىندە قازا تاپتى. جەرگىلىكتى ب ا ق دەرەكتەرىنىڭ مالىمەتىنشە، يۋسيف احمەدوۆ ياسامال اۋدانىنىڭ تۇرعىن ءۇي قىزمەتتەرىنىڭ ەكس-باسشىسى يبراگيم مەحتييەۆپەن جاقىن ارالاسقان، دەپ حابارلايدى Qamshy.kz اقپارات اگەنتتىگى Minval.kz سايتىنا سىلتەمە جاساپ.

بەلگىلى بولعانداي، شەنەۋنىك تاڭعى ۋاقىتتا ءوزىنىڭ كابينەتىندە كوز جۇمعان. ءولىمىنىڭ سەبەبى جايلى اقپارات تارالعان جوق.

يمام گۋسەين گادجي ابدۋلانىڭ ايتۋىنشا، يۋسيف احمەدوۆ اعىمداعى جىلدىڭ باسىنان بەرى گادجي دجاۆادتاعى مەشىت عيماراتىنىڭ بۇزىلۋىنا ەرەكشە اتسالىسقان ەكەن.

1 شىلدە كۇنى پرەزيدەنت يلحام الييەۆ گادجي دجاۆادتاعى مەشىت عيماراتىن زاڭسىز تۇردە بۇزعانداردى جازاعا تارتقان بولاتىن.

بۇل ىسكە جاۋاپتى نەگىزگى تۇلعا  - ياسامال اۋدانىنىڭ تۇرعىن ءۇي قىزمەتىنىڭ ەكس-باسشىسى يبراگيم مەحتييەۆ قىزمەتىنەن قۋىلدى. 

شولۋشى: نازەركە لابيحان