قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنا (اەسي) ازيانىڭ ۇزدىك 10 اناليتيكالىق ورتالىقتارى قاتارىنا كىرەتىن قىتايلىق الدىڭعى قاتارلى think tank – شانحاي حالىقارالىق زەرتتەۋلەر اكادەمياسىنىڭ ۆيسە-پرەزيدەنت يان سزەن باستاعان دەلەگاسياسى كەلدى دەپ حابارلايدى Qamshy.kz اقپارات اگەنتتىگى.

تاراپتار «ۇلكەن ەۋرازيا» كەڭىستىگىندەگى اعىمداعى گەوساياسي ۇردىستەردى، «نۇرلى جول» باعدارلاماسىنىڭ جۇزەگە اسۋىمەن ۇندەس «ءبىر بەلدەۋ – ءبىر جول» جوباسىنىڭ دامۋىن، سونداي-اق، اەسي مەن شحزا ورتاق عىلىمي جانە زەرتتەۋ جۇمىستارىن جۇرگىزۋ مۇمكىندىكتەرىن تالقىلادى.

شحزا وكىلدەرى 2017 جىلدىڭ قاراشا ايىندا وتەتىن كەزەكتى «استانا كلۋب» وتىرىسىنا شاقىرىلدى. اەسي ديرەكتورى ەرجان سالتىبايەۆ اتاپ وتكەندەي، «استانا كلۋب» ديالوگ الاڭى اياسىندا بۇكىل الەمنىڭ، سونىڭ ىشىندە ازيانىڭ الدىڭعى قاتارلى اناليتيكالىق ورتالىقتارى ساراپشىلارىنىڭ بىرلەسىپ جۇمىس ىستەۋىنە جاعداي جاساۋ اەسي ءۇشىن ەلباسى نۇرسۇلتان نازاربايەۆتىڭ ستراتەگيالى-ينتەگراسيالىق جانە گۋمانيتارلىق باستامالارىن جاھاندىق دەڭگەيدە ناسيحاتتاۋ جۇمىسىنداعى باسىم باعىت بولىپ تابىلادى.