بۇل سوت برازيليا تاريحىندا مەملەكەت باسشىسى سىبايلاس جەمقورلىق ءۇشىن سوتتالعان العاشقى جاعداي.

برازيليانىڭ بۇرىنعى پرەزيدەنتى لۋيس يناسيۋ لۋلۋ دا سيلۆا سىبايلاس جەمقورلىق پەن اقشا جىمقىرعانى ءۇشىن ايىپتى دەپ تانىلىپ، 9،5 جىلعا سوتتالدى، دەپ جازادى Qamshy.kz اقپارات اگەنتتىگى. بۇل تۋرالى بي-بي-سي پورتالى حاباردار ەتتى.

ءتيىستى ۇكىم برازيليانىڭ فەدەرالدىق سوت ورگاندارىنىڭ رەسمي سايتىندا جاريالانعان.

قىلمىستىق ءىس گۋارۋجا كۋرورتتىق قالادا ورنالاسقان پەنتحاۋسقا قاتىستى بولدى. 2016 جىلعى قىركۇيەكتە پرەزيدەنتكە 3،7 ملن رەال  (1،1 ملن دوللار) سوماسىندا اقشا جىمقىردى جانە سىبايلاس جەمقورلىققا باردى دەگەن ايىپتار تاعىلدى. قازىرگى ۋاقىتتا  لۋلا دا سيلۆا سىبايلاس جەمقورلىققا قاتىستى تاعى 4 قىلمىستىق ءىستىڭ فيگۋرانتى بولىپ وتىر. برازيليالىق زاڭناماعا سايكەس، ەگەر ەكس-پرەزيدەنت اتالمىش پروسەسستەردىڭ ءبىرى بويىنشا ايىپتى دەپ تانىلسا، ول سايلاناتىن لاۋازىمدارعا ۇمىتكەر بولۋ قۇقىعىنان ايىرىلادى.   

دا سيلۆانىڭ ادۆوكاتتارى سوت شەشىمىمەن كەلىسپەي، اپپەلياسياعا بەرۋگە نيەتتى. ول قارالعانشا، بۇرىنعى پرەزيدەنت بوستاندىقتا بولادى.

ەكس-پرەزيدەنتتىڭ ءوزى كىناسىن مويىندار ەمەس. وزىنە قاتىستى تاعىلعان كەز كەلگەن ايىپتى جوققا شىعارىپ، ساياساتتاعى قارسىلاستارىنىڭ ءىسى ەكەنىن دالەلدەپ الەك.

شولۋشى: گۇلىم جاقان