جاپونيادا بۇگىن تاڭەرتەڭ ەكى قىلمىسكەر ءولىم جازاسىنا كەسىلدى دەپ حابارلايدى Qamshy.kz اقپارات اگەنتتىگى ريا نوۆوستي-گە سىلتەمە جاساپ. سوڭعى رەت جاپونيادا ءولىم جازاسى بىلتىرعى جىلدىڭ قاراشاسىندا جۇزەگە اسىرىلعان بولاتىن. سيندزو ابە پرەمەر-مينيسترلىككە كەلگەلى بەرى، ياعني 2012 جىلدىڭ جەلتوقسان ايىنانا باستاپ 19 ادام ءولىم جازاسىنا كەسىلگەن. الداعى ۋاقىتتا 130 قىلمىسكەر ءولىم جازاسىنا كەسىلمەك. ءولىم جازاسىنا كەسىلگەن قىلمىسكەردىڭ جازاسى ۇكىم شىققان سوڭ بىرنەشە جىلدان كەيىن جۇزەگە اسىرىلادى.
جاپونيا زاڭى بويىنشا ايىپتالۋشى ءوزىنىڭ جازاسىنىڭ قاشان بولاتىنىن جىلدار بويى كۇتۋى مۇمكىن، وعان جازاعا كەسىلەتىنى تۋرالى سول كۇنى تاڭەرتەڭ عانا ايتىلادى. جاپونياداعى بۇل زاڭنىڭ گۋمانيزمگە قارسى ەكەنىن ايتىپ حالىقارالىق قۇقىق قورعاۋ ۇيىمدارى توقتاۋ سالا الماي كەلەدى. جاپونيادا ءولىم جازاسىن دارعا اسۋ ارقىلى جۇزەگە اسىرادى.
پىكىر قالدىرۋ