جۇڭگو شەتەلدەگى العاشقى اسكەري بازاسىن قۇرۋ ءۇشىن دجيبۋتيعا كەمەلەرىن جىبەردى، دەپ حابارلايدى Qamshy.kz اقپارات اگەنتتىگى شەتەلدىك ب ا ق-قا سىلتەمە جاساپ.

رەسمي بەيجىڭنىڭ مالىمدەۋىنشە، بۇل نىسان قۇتقارۋ وپەراسيالارى مەن ماڭىزدى تەڭىز جولدارىن قورعاۋعا جانە بىرلەسكەن اسكەري جاتتىعۋلار وتكىزۋگە مۇمكىندىك بەرەدى. ال ساراپشىلار قىتايدىڭ بۇل ارەكەتىن «اسپان استى ەلىنىڭ ايماقتاعى ىقپالىن نىعايتۋ ءۇشىن قولعا الىپ وتىرعان قادامى»، – دەيدى.

ازىرگە بازاعا قانشا اسكەريدىڭ ورنالاستىرىلاتىنى بەلگىسىز.

ايتا كەتەيىك، سوڭعى ۋاقىتتا جۇڭگو افريكا ەلدەرىمەن ەكونوميكالىق بايلانىسىن كۇشەيتىپ، ينۆەستيسيا كولەمىن ۇلعايتتى. 2015 جىلى بەيجىڭ قۇرلىقتىڭ دامۋىنا 60 ملرد دوللار بولۋگە ۋادە ەتكەن. ال افريكانىڭ شىعىسىندا ورنالاسقان دجيبۋتيدە اقش، فرانسيا جانە جاپونيانىڭ دا اسكەري بازاسى بار.