اقش پرەزيدەنتى دونالد ترامپ ەل پرەزيدەنتتىگىندەگى  بەس جارىم اي ىشىندە امەريكا تاريحىنداعى كەز كەلگەن باسقا كوشباسشىلارعا قاراعاندا، الدەقايدا كوپ جۇمىس اتقارعانىن ءمالىم ەتتى، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ. ول بۇل پىكىرىن Reuters-كە بەرگەن سۇحباتىندا ايتقان.

«بەس ايدا اقش تاريحىنداعى كەز كەلگەن پرەزيدەنتكە قاراعاندا، كوپ نارسەگە قول جەتكىزدىم»، - دەدى ول.

«يراك پەن سيرياعا قارايتىن بولساڭىزدار، «يسلام مەملەكەتىمەن» كۇرەستە قول جەتكىزىلگەن ىلگەرىلەۋدى كورە الاسىزدار، بۇنى تولىق جەتىستىك دەۋگە بولادى»، - دەدى ترامپ. ءوزىنىڭ ەڭبەگىنىڭ جەمىسىنە  سونداي-اق،  امەريكالىق قور بيرجاسى كورسەتكىشتەرىنىڭ ءوسۋىن، سوڭعى 16 جىلدا اقش-تا جۇمىسپەن قامتۋ مالىمەتتەرىنىڭ جاقسارۋىن قوسىپ وتىر.  

ەسكە سالساق، دونالد ترامپ اقش پرەزيدەنتى سايلاۋىندا جەڭىسكە جەتكەننەن كەيىن، 20 قاڭتاردا مەملەكەت باسشىسى لاۋازىمىنا كىرىسكەن بولاتىن.