يتاليانىڭ وڭتۇستىگىندە ءبىر اپتا بۇرىن باستالعان ورمان ءورتى ىرىق بەرەر ەمەس. لاۋلاعان قىزىل جالىننان ۆەزۋۆيي جانارتاۋى ويانىپ، تۇتىندەپ جاتقانداي كورىنەدى. باستاپقىدا جەرگىلىكتى تۇرعىندار ۆەزۋۆيي جانارتاۋى اتقىلاپ جاتىر دەپ ويلاعان، ءبىراق ورتەنىپ جاتقان تاۋ ەتەگىندەگى ورمان بولىپ شىقتى. اپات ايماعىنداعى ەلدى مەكەندەردەن تۇرعىندار مەن ساياحاتشىلاردى ءقاۋىپسىز جەرگە كوشىرۋ باستالدى، دەپ حابارلايدى Qamshy.kz اقپارات اگەنتتىگى شەتەلدىك تەلەارنانىڭ مالىمەتىنە سۇيەنىپ.
ءتىلسىز جاۋمەن كۇرەسۋگە ۇشاقتار پايدالانىلىپ جاتىر. الايدا ءورتتى اۋىزدىقتاۋعا اۋا رايىنىڭ ىستىق بولۋى كەدەرگى بولىپ تۇر. پوليسيا وتتى قاساقانا قويعان دەپ كۇدىكتەنىپ وتىر.
پىكىر قالدىرۋ