تاياۋدا ۇيدە ءبىر زاتىمدى ۇمىتىپ، اسىعىس ورتا جولدان قايتىپ كەلسەم ۇيدە اعام وتىر… "ءۇي، اناۋ نە شاشىڭدى جايىپ العانسىڭ؟" — دەدى. جىبەرىپ دەپ قولداناتىن ماعان جايىپ دەگەنى ەرسى ەستىلدى… تاڭىرقاي كارادىم دا، شىعىپ كەتتىم… كەلەسى جولى مەنى كورىپ: "- شاشىڭدى جايماشى"، — دەدى… "-كوبىسى جۇرەدى عوي" — دەدىم، نە ايتارىمدى بىلمەي… سوسىن، ول مىنانداي اڭگىمە ايتىپ بەردى:
«باياعىدا پايعامبارىمىز ءوزىنىڭ پايعامبار بولاتىنىن بىلمەي تۇرعان كەزدە، ءوزىنىڭ سوڭىنان ۇنەمى اق ەلەس سياقتى نارسە ەرىپ جۇرەدى ەكەن… ول ودان قوركىپ، نە ەكەنىن تۇسىنبەي قويىپتى… سودان ايەلىنە كەلىپ جاعدايدى ايتقاندا، ايەلى: سەن سول تاعى كەلسە مەنى شاقىرا عوي، سول كەزدە مەن شاشىمدى جايىپ جىبەرەمىن، ەگەر ول قاشىپ كەتسە — پەرىشتە، قاشپاسا — شايتان، — دەپتى… سودان ەرتەسىندە ءدال سولاي ىستەگەن كەزدە، الگى اق ەلەس قاشىپ كەتىپتى… شاشتى كورسەتپەي، ورامال تاعىپ ءجۇرۋ كەرەك»، — دەپ اياقتادى…
ماعان اعامنىڭ بۇل اڭگىمەسى كادىمگىدەي وي سالىپ قويدى… وزىمنەن ءوزىم تىتىركەندىم… جاسىراتىنى جوق، شاشتى جىبەرە سالىپ جۇرە بەرۋ سوڭعى جىلى ادەتكە اينالعان… بۇرىن ۇنەمى ءورىلىپ جۇرەتىن، ءقازىر تىپتەن ونى ۇمىتىپپىن… ەندى ۇنەمى بولماسا دا، ءجيى شاشىمدى جيناپ جۇرۋگە تىرىسامىن، ۇيرەنگەنشە… راسىندا، بۇرىن شاشىن جىبەرىپ قويسا «شايتان قۇساماي، الباستى» دەگەن جاعىمسىز تەڭەۋلەردى ايتاتىنبىز..

جازبا Facebook الەۋمەتتىك جەلىسىنەن الىندى.