مەملەكەت باسشىسى نۇرسۇلتان نازاربايەۆ گەرمانيا فەدەراتيۆتى رەسپۋبليكاسىنىڭ پرەزيدەنتى فرانكوم ۆايتەر شتاينمايەرمەن بىرگە ەكسپو-2017 كورمەسىندەگى فەدەراتيۆتى رەسپۋبليكاسىنىڭ ۇلتتىق كۇنىن مەرەكەلەۋ اياسىندا گەرمانيا ۇلتتىق پاۆيلونىن ارالادى دەپ حابارلايدى Qamshy.kz اقپارات اگەنتتىگى.
ءىس-شارا بارىسىنداعى ەڭ وزەكتى جانە تالقىلانعان تاقىرىپتاردىڭ ءبىرى - يننوۆاسيالىق تەحنولوگيالاردى ەنگىزۋگە ۇمتىلعان الىپتار ءۇشىن عانا ەمەس، سونداي-اق ورتا جانە شاعىن كاسىپورىنداردىڭ جاڭعىرتىلمالى ەنەرگيا كوزدەرىنە كوشۋ بولدى. بۇل تۋرالى ەكسپو-2017 حالىقارالىق مامانداندىرىلعان كورمەسى اياسىندا گەرمانيا ۇلتتىق كۇنىن مەرەكەلەۋ بارىسىندا گەرمانيا فەدەراتيۆتى رەسپۋبليكاسىنىڭ پرەزيدەنتى فرانك-ۆالتەر شتاينمايەر ايتتى. ونىڭ ايتۋىنشا، ەكسپو-2017 كورمەسى اياسىندا گەرمانيا پاۆيلونى بولاشاق ەنەرگياسىنىڭ كەلبەتىن كورسەتەتىن بولادى.
«ەنەرگيا ءوندىرۋ، جاڭارتىلاتىن ەنەرگيا، ەنەرگيانىڭ تيىمدىلىگى، ورتالىق ەمەس ەنەرگيا ءوندىرۋ، ەنەرگەتيكالىق جەلىلەردىڭ كەڭەيۋى – بارلىعى دا ەنەرگەتيكالىق ساياساتتىڭ جاڭا قاعيداتتارىنا كوشۋدىڭ سالدارى بولىپ تابىلادى. ەكسپو-2017 كورمەسىندە بولاشاقتا قۋات كوزىنىڭ قۇرىلۋ مىسالدارى كورسەتىلگەن. سونداي-اق، ءبىز تاڭداعان ۇرانىمەن بىرگە - «ەنەرگەتيكا دۇرىس جولدا» - گەرمانيادا جيناقتالعان تاجىريبەنى كورسەتەمىز. ءبىز بولاشاق ەنەرگيا تەرەزەسىن، ەنەرگەتيكا بولاشاعى تۋرالى يدەيالارىمىزدى كورسەتكىمىز كەلەدى. ونىڭ ىشىندە بولاشاقتا ەنەرگيانىڭ قالاي جيناقتالاتىن، ساقتالاتىن، وندىرىلەتىن جانە تاراتىلاتىن تولىق ترانسفورماسيا تاسىلدەرىمەن تانىستىرامىز»،-دەدى فرانك-ۆالتەر شتاينمايەر.
ءوز كەزەگىندە قازاقستان رەسپۋبليكاسىنىڭ ينۆەستيسيا جانە دامۋ ءمينيسترى جەڭىس قاسىمبەك «بولاشاق ەنەرگيا» تاقىرىبىنداعى «ەكسپو-2017» كورمەسىنىڭ تابىستى ءوتۋى الەمدە بالامالى ەنەرگيا كوزدەرىنىڭ پايدالانۋىنا، جاڭا تەحنولوگيالاردى دامىتۋىنا ىقپال ەتەتىنىن اتاپ ءوتتى. ونىڭ ايتۋىنشا، گەرمانيا ەنەرگيا تيىمدىلىگى، جاڭارتىلاتىن ەنەرگيا كوزدەرىن ۇنەمدەۋ سالاسىندا الەمدىك كوشباسشى بولىپ تابىلادى.
«بۇگىنگى كۇنى، تۇجىرىمداماسى «ەنەرگيا دۇرىس جولدا» بولىپ تابىلاتىن گەرمانيا پاۆيلونى ەكسپو-2017 شەڭبەرىندە ەڭ ءىرى جانە تانىمال بولىپ كەلەدى. ونىڭ ىشىندە حالىقارالىق قاتىناستار جانە بايلانىستاردى دامىتۋىنا سەپتىگىن تيگىزەتىن ىسكەرلىك جانە مادەني شارالار وتەدى. سونداي-اق، جاڭارتىلاتىن ەنەرگيا ماسەلەلەرى بويىنشا گەرمانيا تاجىريبەسى قازاقستاندا جوعارى سۇرانسىقا يە»،- حابارلادى جەڭىس قاسىمبەك.
ءوز ءسوزىنىڭ سوڭىندا، جەڭىس قاسىمبەك قازىرگى ۋاقىتتا قازاق-نەمىس قارىم-قاتىناستار جوعارى سەنىمدىلىك دارەجەسى جانە وڭ سەرپىنمەن سيپاتتالاتىنىن حابارلادى. ونىڭ ايتۋىنشا، بيىلعى جىلى ەكى ەل اراسىندا ديپلوماتيالىق قارىم-قاتىناستىڭ 25 جىلدىعى تويلانىپ جاتىر. وسى جىلدار ىشىندە حالىقارالىق ۇيىمدار شەڭبەرىندە جانە ەكىجاقتى فورماتتا قازاقستان-گەرمانيا قارىم-قاتىناستارىنىڭ ايتارلىقتاي كەڭەيۋى جانە نىعايتۋىنا قول جەتكىزىلدى.
پىكىر قالدىرۋ