قاراعاندى وبلىسىندا شومىلۋ ماۋسىمى باستالعالى 23 ادام سۋعا كەتكەن، ونىڭ جەتەۋى بالا. كۇننىڭ ىستىعىنان جاعاجايعا كەلەتىن دەمالۋشىلار سانى كۇن ساناپ ارتىپ وتىر دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ.
«الايدا كوپشىلىگى قاراپايىم قاۋىپسىزدىك ەرەجەلەرىن ساقتامايدى»، – دەيدى قۇتقارۋشىلار. ءقاۋىپتىڭ الدىن الۋ ءۇشىن توتەنشە جاعداي قىزمەتىنىڭ ماماندارى سۋ قويمالارىندا ءتۇسىندىرۋ جۇمىستارىن جۇرگىزگەن. بۇعان قوسا اپتاپ ىستىقتان دالا ءورتى دە ءورشىپ تۇر. ءقازىر ءتىلسىز جاۋ شامامەن 13 مىڭ گەكتارداي اۋماقتى جالماپ ۇلگەرگەن. ەكى ادام اجال قۇشتى.
پىكىر قالدىرۋ