ساتپايەۆ قالالىق سوتى ساتپايەۆ اكىمدىگى عيماراتىندا جانجال شىعارعان ەكى ادامدى تۇتقىنداۋعا قاتىستى شەشىم شىعاردى، دەپ جازادى Qamshy.kz اقپارات اگەنتتىگى. بۇل تۋرالى اقپارات ساتپايەۆ قالاسى اكىمدىگىنىڭ باسپا ءسوز قىزمەتىندە جاريالانعان.

«سوت قاۋلىسىمەن اسقار قوشانوۆ پەن بەرىك جاعىپاروۆ «اكىمشىلىك قۇقىق بۇزۋشىلىق تۋرالى» كودەكستىڭ 434-بابى 1-بولىگى بويىنشا ايىپتى دەپ تانىلدى، ولارعا بەس تاۋلىككە اكىمشىلىك تۇتقىنداۋ تۇرىندە جازا تاعايىندالدى»، - دەپ حابارلادى ساتپايەۆ سوتىنىڭ باسپا ءسوز قىزمەتىندە.

جازالانعانداردىڭ شەشىمگە شاعىمدانۋى ءۇشىن ون تاۋلىك بار. ولار قاۋلى جاريالانعاننان كەيىن بىردەن تۇتقىندالدى.

ەسكە سالا كەتەيىك، 11 شىلدە كۇنى ساتپايەۆ قالاسىنىڭ اكىمدىگىندە توبەلەس بولدى. وقيعا اكىم ورىنباسارىنا كەلگەن ازاماتتاردىڭ قابىلداۋدان شىعىپ بارا جاتقان ۋاقىتتا بولعان. دەرەكتەرگە سايكەس، اكىمدىكتەگى قىزمەتكەرلەر ازاماتقا ۆيدەوعا تۇسىرگۋە تىيىم سالعان، الايدا ازاماتتاردىڭ ول تالاپتى ورىنداماۋلارىنىڭ سالدارىنان ارادا جانجال تۋعان. سوڭىندا توبەلەسكە ۇلاسىپ، اكىمدىك قىزمەتكەرى اۋرۋحاناعا تۇسەدى. 

شولۋشى: گۇلىم جاقان