قىتايداعى شىڭجاڭدا ەتنيكالىق قازاق يمامى پوليسيا بولىمشەسىندە كوز جۇمدى دەپ جازادى Qamshy.kz اقپارات اگەنتتىگى islam.kz-كە سىلتەمە جاساپ. ءتارتىپ ساقشىلارى يمامنىڭ وزىنە قول سالعانىن العا تارتىپ وتىر دەپ حابارلادى RFA جاڭالىقتار قىزمەتىنە جەرگىلىكتى دەرەككوز.

حاباە ۋەزىندە تۇراتىن احمەت ەسىمدى يمامدى ساندجي پروۆينسياسىنىڭ بيلىك وكىلدەرى قاماۋعا العان بولاتىن.

"نە بولعانىن ناقتى بىلمەدىك، بيلىكتىڭ ونى نە سەبەپتى  قاماۋعا العانى دا بەلگىسىز. دەگەنمەن ەكى-ۇش كۇننەن كەيىن ونىڭ اسىلىپ قالعانى تۋرالى حابار كەلىپ جەتتى"، - دەيدى جاڭالىقتار قىزمەتىنە دەرەككوز. 

"ولار يمامنىڭ ءمايىتىن وتباسىنا قايتاردى"، - دەپ جالعاستىردى وقيعادان حاباردار ازامات.

دەرەككوزدىڭ ايتۋىنشا، وسىعان دەيىن وڭىردە وقان ەسىمىمەن تانىمال قازاق يمام حاباە وكرۋگىندە تۇرمەگە ون جىلعا قامالعان كورىنەدى. وعان ەر ادامنىڭ يسلام زاڭدارىنا سايكەس ءداستۇرلى جەرلەۋ وتكىزگەنى سەبەپ بولعان دەيدى دەرەككوز.

"تاچەن اۋدانىندا تۇراتىن تاعى ءبىر قازاق جىگىتى WeChat-قا ءبىر حابارلاما جىبەرگەنى ءۇشىن سەگىز جىلعا قاماۋعا الىنعانى بەلگىلى. سونىمەن قاتار، اعاسىنا ءدىني ماعىنا بەرەتىن قازاق ءانىن جولداعان كۋمۋل قالاسىنداعى ەتنيكالىق قازاق مۋزىكانتى دا سەگىز جىلعا قاماۋعا الىنعان"، - دەپ جالعاستىردى دەرەككوز. 

"بۇل جىگىتتەر ەكسترەميستەر ەمەس ەدى. ولار ءدىني ماعىناداعى ءپوپ-اندى جازعان بولاتىن. اعايىندىلاردىڭ ءبىرى ەكىنشىسىنە وسى ءاندى جولداعانى ءۇشىن سەگىز جىلعا قامالىپ كەتتى"، - دەپ كۇيىندى دەرەككوز.

سول ارادا اتالمىش Radio Free Asia جاڭالىقتار قىزمەتى مەن uyghuramerican.org سايتى قازا بولعان يمام احمەتتىڭ 100-دەن استام دوسى مەن سىنىپتاسىن پوليسيا قاماۋعا الىپ جاتقانىن جازعان.

"ءتورتىنشى ماۋسىم كۇنى قاماۋعا الىنعاننان كەيىن اسىلعان كۇيى تابىلعان يمامنىڭ قازاسى تۋرالى ينتەرنەتتە ءسوز ەتكەن ونىڭ 100 شاقتى دوسىنىڭ ىزىنە جۇڭگو پوليسياسى ءتۇستى. ەندى شىڭجاڭدا احمەتتىڭ ىسىنە نازار اۋدارعان كەز كەلگەن ادام قاماۋعا الىنىپ جاتىر. ولار شىڭجاڭ بويىنشا يمامنىڭ 100-دەن استام دوسى مەن سىنىپتاسىن قاماۋعا الىپ ۇلگەردى. ولاردىڭ كەيبىرى - شىڭجاڭ يسلام كوللەدجىنىڭ تۇلەكتەرى"، - دەيدى جاڭالىقتار قىزمەتىنىڭ دەرەككوزى.

دەرەككوزدىڭ سوزىنە سەنسەك، بيلىك وڭىردە ايەلدەرگە ۇزىن بەلدەمشە كيۋگە تىيىم سالعان.

"52 جاستاعى ەتنيكالىق قازاق گۇلجاينا تيساك قىسقا بەلدەمشە كيۋدەن باس تارتقانى ءۇشىن ارنايى قايتا تاربيەلەۋ ورتالىعىنا جىبەرىلدى.ەلدەگى كەز كەلگەن جەرگىلىكتى مۇسىلمان سوت شەشىمىنسىز 15 كۇننەن باستاپ ءبىر جىلعا دەيىن اتالمىش ورتالىققا جىبەرىلە الادى. قارسىلىق بىلدىرگەندەر قىلمىستىق جازاعا تارتىلۋى مۇمكىن"، - دەپ جالعاستىردى دەرەككوز.