پاۆلودار قالاسىنداعى تورايعىروۆ كوشەسى بويىنداعى جاتاقحانادان تۇنگى ساعات 12-دە ءورت شىعىپ، 31 ادام ءقاۋىپسىز جەرگە شىعارىلدى، دەپ حابارلايدى Qamshy.kz اقپارات اگەنتتىگى pavlodarnews.kz مالىمەتىنە سۇيەنىپ.

وبلىستىق توتەنشە جاعدايلار جونىندەگى دەپارتامەنتى اقپارات ءبولىمىنىڭ حابارلاۋىنشا، بەس قاباتتى جاتاقحانانىڭ ءۇشىنشى قاباتىنان تۇتانعان ءورت عيماراتتىڭ 40 شارشى مەتر اۋماعىن شارپىعان.

 - جاتاقحانا بولمەلەرىنە كىرگەن وتتان ءۇي ىشىندەگى كيىمدەر، تۇرمىستىق تەحنيكالار، اعاش ەدەندەر جانعان دەيدى، - ماماندار.

– وقيعا ورنىنا جەدەل كەلگەن قۇتقارۋشىلار 31 ادامدى ءقاۋىپسىز جەرگە شىعاردى. ونىڭ 12ء-سى بالا. ءورتتى سوندىرۋگە توتەنشە جاعدايلار جونىندەگى دەپارتامەنتتەن ءبىر تەحنيكا جانە ءۇش ادام جۇمىلدىرىلدى. مامانداردىڭ سوزىنشە، ءورت تۇنگى ساعات 01:19 مينۋت دەگەندە تولىقتاي سوندىرىلگەن. دەنساۋلىعى سىر بەرگەندەرگە مەديسينا قىزمەتكەرلەرى سول جەردە كومەك كورسەتتى. قازىرگى تاڭدا ءورتتىڭ سەبەپ-سالدارى مەن شىعىن كولەمى انىقتالۋدا.