13-16 شىلدە ارالىعىندا استانادا كاراتە-دو وليمپيادالىق سپورت ءتۇرى بويىنشا ازيا چەمپيوناتى وتەدى. سپورت باسەكەسىنە قاتىسۋ ءۇشىن 30-دان استام ەءلدىڭ 627 ۇزدىك سپورتشىسى كەلدى. ازيا چەمپيوناتى قازاقستاندىق سپورتشىلار ءۇشىن «توكيو-2020» وليمپيادا ويىندارىنا ۇپاي جيناۋعا مۇمكىندىك بەرەدى دەپ حابارلايدى Qamshy.kz اقپارات اگەنتتىگى. 

ورتالىق كوممۋنيكاسيالار قىزمەتىندە كاراتە-دو بويىنشا وتەتىن ەرەسەكتەر اراسىنداعى XIV ازيا چەمپيوناتى جانە كادەتتەر مەن جاستار اراسىنداعى XVI ازيا چەمپيوناتىنا ارنالعان باسپا ءسوز كونفەرەنسياسى ءوتتى. وعان ق ر كاراتە-دو فەدەراسياسىنىڭ ۆيسە-پرەزيدەنتى ساناۋوۆ جاستالاپ ءابدىقاني ۇلى،  بۇكىلالەمدىك كاراتە-دو فەدەراسياسىنىڭ پرەزيدەنتى انتونيو ەسپينوز، بۇكىلالەمدىك كاراتە-دو فەدەراسياسىنىڭ باس حاتشىسى ناگۋرا توشيحيسا، «قازاقستان» رترك اق باسقارما ءتوراعاسى  ەرلان قارين قاتىستى. «قازاقستان» ۇلتتىق ارناسى شارانىڭ اقپاراتتىق قولداۋشىسى.

قازاقستان قۇراماسى 2016 جىلدىڭ 3 تامىزىندا ريو-دە-جانەيروداعى وليمپيادا كوميتەتىنىڭ وتىرىسىندا «WKF كاراتە-دو» 2020 جىلى توكيو وليمپياداسىندا كورسەتىلگەن وليمپيادالىق سپورت تۇرلەرىنىڭ تىزىمىنە ەندى. ال، ازيا بىرىنشىلىگى ەلىمىزدە تۇڭعىش رەت وتۋدە. بۇعان دەيىن مالايزيا، سينگاپۋر، جاپونيا مەن جۇڭگو سىندى الپاۋىت مەملەكەتتەردە ۇيىمداستىرىلعان.

-سونىمەن قاتار، كاراتە-دودان قازاقستاننىڭ ۇلتتىق قۇراماسىنان الەم جانە ازيا چەمپيوندارى مەن جۇلدەگەرلەرىنەن قۇرالعان 70 ۇزدىك سپورتشى قاتىسپاق.   ولاردىڭ اراسىندا ازيا ويىندارىنىڭ چەمپيونى جانە ءۇش دۇركىن ازيا چەمپيونى ساعىندىقوۆ رينات تا بار.  ونىڭ جالپى ۇپاي سانى – 1215.  ول 67 كەلى سالماقتا قاتىسادى. 2015 جىلى وتكەن الەم بىرىنشىلىگىندە قازاقستان قۇراماسى كوماندالىق ەسەپتە ەكىنشى ورىندى العان بولاتىن، - دەدى ق ر كاراتە-دو فەدەراسياسىنىڭ ۆيسە-پرەزيدەنتى جاستالاپ ساناۋوۆ.