پوليسيا قىزمەتكەرلەرىنىڭ بولجاۋىنشا، بەلگىسىز بىرەۋ وت شاشۋ رەتىندە وق اتقان، دەپ حابارلايدى Qamshy.kz اقپارات اگەنتتىگى Life.ru سايتىنا سىلتەمە جاساپ.

13 جاستاعى نوي ينمان ءۇيىنىڭ اۋلاسىندا باسكەتبول ويناپ جۇرگەن كەزىندە كەنەتتەن جەرگە سىلق ەتە تۇسكەن. بارلىعى ونى ەسىنەن تانىپ قالدى دەپ ويلاعان، الايدا اۋرۋحاناعا كەلگەننەن سوڭ دارىگەرلەر مۇلدەم باسقا جاعداي بولعاندىعىن ايتتى. ولار نوي ينماننىڭ باسىنان جاراقات العاندىعىن مالىمدەگەن. ونى دەرەۋ چيكاگوداعى كومەر بالالار اۋرۋحاناسىنا الىپ كەلىپ، وتا جاساتقان. ناتيجەسىندە، دارىگەرلەر بالانىڭ باسىنان ءبىر وق الدى.

قانشا تىرىسقانىمەن بالانىڭ ءومىرىن ساقتاپ قالۋ مۇمكىن بولمادى. نوي ينمان ەسىن جيماستان ءبىر اپتادان سوڭ قازا تاپتى. پوليسيا باسقارماسى اتالمىش وقيعاعا بايلانىستى زەرتتەۋ جۇمىستارىن باستاپ كەتتى، الايدا ءالى كۇنگە دەيىن ناقتى ءبىر مالىمەت جوق.

ساراپشىلاردىڭ ايتۋىنشا، وق بالانىڭ ءۇيى ورنالاسقان كوشەدەن كەيىنگى كوشەدەگى ۇيلەردىڭ بىرىنەن ۇشقان. بەلگىسىز بىرەۋ وت شاشۋ رەتىندە اۋاعا وق اتقان دەگەن بولجام بار.

شولۋشى: نازەركە لابيحان