ەلورداداعى «داۋلەت» سپورت كەشەنىندە كاراتە-دودان قۇرلىق بىرىنشىلىگى ءوتىپ جاتىر. ەحرو-2017 حالىقارالىق كورمە اياسىندا ۇيىمداستىرىلعان چەمپيوناتقا ازيانىڭ 27 ەلىنەن 700-گە تارتا سپورتشى كەلىپتى. الدىمەن جاسوسپىرىمدەر مەن كادەتتەر كەزەك الدى. ولار جارىستىڭ ەكىنشى كۇنىندە بىرنەشە سالماق دارەجەسى بويىنشا چەمپيونداردى انىقتادى دەپ حابارلايدى Qamshy.kz اقپارات اگەنتتىگى 24.kz-كە سىلتەمە جاساپ. قازاق ەلى ءۇمىت ارتقان سالاۋات بەكارىس 57 كەلىلىك سالماقتا قولا جۇلدەگەر اتانسا، 54 كەلىدە ونەر كورسەتكەن امانگۇل دۇيسەنباي دا ءۇشىنشى ورىن يەلەندى.
ال مارات ازامات پەن سوفيا گاليمجانوۆا فينالدا ونەر كورسەتتى. ءقازىر كاراتە-دونىڭ داڭقى شىعىپ تۇر. ويتكەنى شىعىس جەكپە-جەگىنىڭ وسى ءبىر ءتۇرى وليمپيادا ويىندارىنىڭ باعدارلاماسىنا ەندى. 2020 جىلى توكيو تاتاميىندە تۇڭعىش چەمپيون ماراپاتتالادى. ال كەشەلى بەرى ءوز ونەرلەرىن پاش ەتكەن كادەتتەر بۋەنوس-ايرەستە بايراعى كوتەرىلەتىن جاسوسپىرىمدەر وليمپياداسىنا ۇپاي جيناۋدا.
