قۇشاعىڭا قوندىردىڭ دا ءبىراق ءتۇن،
ەي، باۋىرىم، قىزدى نەگە جىلاتتىڭ؟!
ساۋاپ ەمەس، كۇنا جيناپ قۇدايدان، 
جولىڭ قالاي سۇراماقسىڭ جۇماقتىڭ؟ 
كەشە سەنى ساناپ جۇرگەن تىرەگى،
ول بايعۇستىڭ جارالى ەندى جۇرەگى.
ۇيىندەگى قارىنداسىڭ سەكىلدى، 
ول قىز دا ءبىر شاڭىراقتىڭ گ ۇلى ەدى.
تاپقانداي بوپ بۇل ومىردە سەرىگىن،
ساعان عانا ارتتى بالكىم سەنىمىن.
"قىز دەگەنىڭ اينالامدا كوپ قوي" دەپ،
ولاي قاتتى قاتەلەسپە، سەن، ءىنىم!
سىيلا وعان ءومىردىڭ بار شاتتىعىن
سەبەبى ول سەنىڭ عانا اققۋىڭ!
سەنى ماڭگى سۇيگەندىكتەن وسىلاي،
ساعان عانا ارناعان عوي پاكتىگىن...
بەيكۇنا قىز جاسقا تولىپ جانارى،
تاۋسىلدى عوي بويىنداعى امالى...
قىز عۇمىردىڭ تاس-تالقانىن شىعاردىڭ! 
ال، ول سەنى قورعانىنا بالادى.
قينالۋدا تاپپاي ءومىر شەشىمىن، 
ءوز قولىڭمەن اششى باقىت ەسىگىن!
سەن ول ءۇشىن جالعىزسىڭ عوي، سوندىقتان، 
كىشىرەيىپ سۇرا بۇگىن كەشىرىم! 
سەنىمدىمىن! باقىت سىيلاپ تاڭ الدان،
سول قىزىڭمەن ورىندالار بار ارمان!
سەنى سۇيسە، كوكىرەكتى كوتەرمە، 
قىزدار دەگەن ءسۇيۋ ءۇشىن جارالعان!