2017 جىلعى 13 شىلدەدە بەيبىتشىلىك جانە كەلىسىم سارايىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قاتىسۋىمەن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ قۇرىلعانىنا 25 جىل تولۋىن مەرەكەلەۋگە ارنالعان سالتاناتتى ءىس-شارا ءوتتى، دەپ جازادى قامشى اقپارات اگەنتتىگى. بۇل تۋرالى ق ر ۇقك باسپا ءسوز قىزمەتى حابارلايدى.
قۇرمەتتى مەيماندار اراسىندا رەسپۋبليكامىزدىڭ الەۋەتتى جانە قۇقىق قورعاۋ قۇرىلىمدارىنىڭ، مينيسترلىكتەرى مەن ۆەدومستۆولارىنىڭ باسشىلارىمەن قاتار، شەتەل ارنايى قىزمەتتەرى دەلەگاسيالارىنىڭ باسشىلارى رەسمي وكىلدەرى جانە ارداگەرلەرى بولدى.
ءسوز سويلەۋ بارىسىندا مەملەكەت باسشىسى ۇلتتىق قاۋىپسىزدىك ورگاندارى ءوز قىزمەتىنىڭ العاشقى كۇندەرىنەن باستاپ جاڭا ىشكى جانە سىرتقى ساياسي جاعدايدى ەسكەرە وتىرىپ، ەل باسشىلىعىنا مەملەكەت قۇرۋدىڭ باسىم باعىتتارىنداعى اسا ماڭىزدى ماسەلەلەردى شەشۋدە قارقىندى جاردەم كورسەتكەنىن اتاپ ءوتتى.
مەملەكەت باسشىسى سونداي-اك ۇلتتىق قاۋىپسىزدىك ورگاندارىنىڭ بارلىق جەكە قۇرامى مەن ارداگەرلەرىن كاسىبي مەرەكەلەرىمەن قۇتتىقتادى جانە ۆەدومستۆونىڭ جەكەلەگەن قىزمەتكەرلەرىنە جوعارى مەملەكەتتىك ناگرادالار تاپسىردى.
سالتاناتتى ءىس-شارا دەرەكتى فيلم كورسەتۋ جانە كونسەرتتىك باعدارلاماعا ۇلاستى.
شولۋشى: گۇلىم جاقان
