قازگيدرومەت ماماندارى قازاقستان ايماقتارىندا 14 شىلدەدە بولاتىن ەرەكشە مەتەورولوگيالىق قۇبىلىستارعا بولجاۋ-كونسۋلتاسياسىن جاريالادى. 

اقمولا، الماتى، وڭتۇستىك قازاقستان، پاۆلودار، قاراعاندى، شىعىس قازاقستان، كۇندىز قوستاناي، سولتۇستىك  قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، بۇرشاق جاۋۋى مۇمكىن. وڭتۇستىك قازاقستان وبلىسىندا جەلدىڭ ەكپىنى 23 م/س بولادى، دەپ حابارلايدى Qamshy.kz اقپارات اگەنتتىگى. 

جامبىل وبلىسىنىڭ كەي جەرلەرىندە بۇرشاق جاۋۋى مۇمكىن، كۇندىز كەي جەرلەرىندە جەل 15-20 م/س كۇشەيەدى.

ماڭعىستاۋ وبلىسىنىڭ كەي جەرلەرىندە تۇمان كۇتىلەدى.

كىزىلوردا، وڭتۇستىك قازاقستان وبلىستارىندا، باتىس قازاقستان، اتىراۋ، اقتوبە، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە وتە جوعارى ءورت ءقاۋپى ساقتالادى.

استانا ق: كوشپەلى بۇلتتى، وتكىنشى جاڭبىر جاۋادى، نايزاعاي، بۇرشاق بولۋى مۇمكىن. جەل سولتۇستىك،سولتۇستىك-باتىستان  سوعادى، كۇشى 9-14 م/س.  اۋانىڭ  تەمپەراتۋراسى تۇندە +9+11°س، كۇندىز +19+21°س بولادى.

الماتى ق: كوشپەلى بۇلتتى، وتكىنشى جاڭبىر جاۋادى،نايزاعاي بولادى. جەلدىڭ كۇشى 2-7 م/س، نايزاعاي كەزىندە 12 م/س. اۋانىڭ تەمپەراتۋراسى تۇندە +17+19°س، كۇندىز +27+29°س بولادى.