پاۆلوداردا گوسپلەمستانسيا اۋىلىنداعى ەرتىس وزەنىندە ەر ادام سۋعا باتىپ كەتتى، دەپ حابارلايدى Qamshy.kz اقپارات اگەنتتىگى.
بۇل تۋرالى وبلىستىق تجد باسپا ءسوز قىزمەتىندە حابارلادى.
- 40 جاستاعى اۋىل تۇرعىنى ماس كۇيىندە تىيىم سالىنعان جەردە شومىلعان. ساعات 14:00-دە كۋاگەرلەرلەر ونىڭ دەنەسىن سۋدان تاۋىپ شىعاردى. قۇتقارۋشىلاردىڭ ايتۋىنشا، جىل باسىنان بەرى 10 ادام سۋدان اجال قۇشتى، ونىڭ ۇشەۋى بالا. كوبى ماس كۇيىندە سۋعا تۇسكەن. 79 ادام قۇتقارىلدى، ونىڭ - 30-ى بالا.
- وقىس جاعدايلاردىڭ الدىن الۋ ءۇشىن ءتارتىپ ساقشىلارىمەن بىرگە رەيد شارالارى جۇرگىزىلىپ، اڭداتپالار تاراتىلادى. ءبىراق، ادامدار ونى ەسكەرمەيدى. سوندىقتان بۇدان بىلاي قاۋىپسىزدىك ەرەجەلەرىن بۇزعان ازاماتتار، جاعاجايدا ىشىمدىك ىشكەندەر مەن بالالارىن قاراۋسىز قالدىرعاندار اكىمشىلىك جاۋاپقا تارتىلادى.
ق ر اكىمشىلىك قۇقىق بۇزۋشىلىق كودەكسىنىڭ 412-بابىنا ساي 7-دەن 60-قا دەيىنگى اەك كولەمىندە ايىپپۇل تاعىلادى، - دەيدى دەپارتامەنت ماماندارى.
پىكىر قالدىرۋ