جازدىڭ كەزى، جالىندى كەزدەگى ولەڭ،

نە قالارىن جانىمنىڭ سەزبەگەن ەم.

ءبىز تانىسقان سول ۋاقىت ەسكە ورالىپ،

تۇرادى تانىسقاندا وزگەمەنەن.

سانسىز قىزىق مەن ءۇشىن ءمانسىز دەيمىن،

قۇرعاق كوڭىل، سۋارار تامشى ىزدەيمىن.

جۇبانىشى سەن دەۋگە جاسقانۋشى ەم،

وزىمە جات بويداعى قامسىز كۇيدىڭ.

جاسىرىنىپ جۇرگەندەي ىشىمدە ولەڭ،

سەزىندىرگىم كەلەتىن ىسىممەنەن.

تۇسىندىرە المادىم سەزىمىمدى،

سەبەبى، مەن ءوزىم دە تۇسىنبەگەم.

كوكىرەككە قامادىم مۇڭىمدى ۇداي،

دوس بولايىق دەي الماي بۇرىنعىدي.

عاشىقپىن با، ءتىپتى ءوزىم سەزىنبەدىم،

عاشىق بولىپ كورمەگەسىن بۇرىن بۇلاي.

شىرماۋىندا جۇرگەندە نالا، مۇڭنىڭ،

دەي المادىم «عاشىقپىن»، جاڭا ءبىلدىم.

سەن ۇناتام دەگەندە جاسىقتىعىم،

جاس كەلتىردى الدىنا جانارىمنىڭ.

جۇرەگىمە سيمادى، جازدىم ءبارىن،

جاڭا سەزدىم جانىمدا جازدىڭ بارىن.

حابارسىز كەتسەم دە مەن سۇيەم سەنى،

سۋىنىپ كەتەسىڭ دەپ ازعىرماعىن.

قاشىقتىق بىزگە ءقازىر ەڭ كەرەگى،

عاشىقتىققا قاشىقتىق ەم بەرەدى.

مەن ءسىزدى ساعىنامىن، سوندىقتان دا،

ەسسىز ساعىنىپ ءجۇرسىڭ سەن دە مەن.

وڭتالاپ تىلەۋ - جولداسوۆ