اتاپ ايتقاندا كارتوپ (140 سىنامانىڭ 3-ىندە)، قىرىققابات (169/9)، بايالدى (41/1)،  رەديس (34/2)، شومىر (11/1)،  كادى (32/3)، بانان (23/1)، قۇلپىنايدا (16/2) نيتراتتاردىڭ قالدىق مولشەرى جوعارى ەكەنىن كورسەتتى.ەسەسىنە حيميكاتتار باسقا باقشا ونىمدەرىندە كوپ كەزدەسەدى، دەپ حابارلايدى Qamshy.kz  اقپارات اگەنتىگى استانا اكىمدىگىنىڭ مەديا ورتالىعىنا سىلتەمە جاساپ.

ەلوردالىق قوعامدىق دەنساۋلىقتى ساقتاۋ دەپارتامەنتىنىڭ حابارلاماسىنا سايكەس، نيتراتتاردىڭ قالدىق مولشەرى جوعارى ونىمدەر شەتەلدەن اكەلىنگەن: مىسالى قۇلپىناي يتاليادان، ال حيميالىق ەلەمەتتەر تابىلعان كارتوپ قىتايدان جەتكىزىلگەن. سونىمەن بىرگە باۋ-باقشا ونىمدەرىندە ازىرگە دەيىن نيتراتتار تابىلعان جوق. شىلدە ايىنىڭ باسىنان بەرى قاربىز بەن قاۋىننىڭ قۇرامىنداعى نيتراتتاردىڭ قالدىق مولشەرىن انىقتاۋ ماقساتىندا 33 سىناما تەكسەرىلدى.

ماماندار باقشا ونىمدەرىن ساتىپ العاندا ءبىرقاتار شارتتاردى ساقتاۋعا شاقىرادى. باۋ-باقشا ونىمدەرىن تەك دۇكەندەر مەن بازارلاردان ساتىپ العان ءجون، سەبەبى تاماق ونىمدەرى ۋاقىتشا ساقتاۋ مەن تەمپەراتۋرالىق رەجيمدى قاداعالاۋ ارقىلى جۇزەگە اسىرىلۋى كەرەك. اۋا تەمپەراتۋراسى مەن ىلعالدىلىعىنىڭ تومەن نەمەسە جوعارى بولۋى ءونىمنىڭ ساپاسىنا اسەر ەتىپ، قاۋىپسىزدىگىنە كەپىلدىك بەرمەيدى. ال، كوشەدەگى اشىق كۇن استىنداعى جابايى ساۋدا ورىندارىندا ساتىلاتىن ونىمدەر كەز كەلگەن نارسەمەن لاستانۋى مۇمكىن.

بۇدان بولەك، كوكونىستەر مەن جەمىستەردىڭ ءوندىرۋشىنىڭ بەرگەن ءونىمنىڭ تالاپقا ساي ءارى ءقاۋىپسىز ەكەندىگىن دالەلدەيتىن قۇجاتتارى بولۋى شارت. قاربىز بەن قاۋىن تاڭداعاندا ءونىمنىڭ سىرت كەلبەتىنە ءمان بەرگەن دۇرىس (جارىلماعان ءبۇتىن ءونىمدى تاڭداۋ كەرەك). ءونىمنىڭ ىشىنە زالالدى زاتتاردىڭ تۇسپەۋى ءۇشىن قاۋىن-قاربىزدى ساتىپ الماس بۇرىن كەسپەگەن ءجون.

شولۋشى: اقنۇر مۇحتارحان