14 شىلدەدە قازاقستان رەسپۋبليكاسىنىڭ ورتالىق سايلاۋ كوميسسياسىندا مەملەكەت باسشىسىنىڭ 2017 جىلعى 13 شىلدەدەگى جارلىقتارىمەن تاعايىندالعان ق ر پارلامەنتى سەناتىنىڭ دەپۋتاتتارىن تىركەۋ جونىندەگى ق ر وسك وتىرىسى ءوتتى دەپ حابارلايدى Qamshy.kz اقپارات اگەنتتىگى.
وتىرىس بارىسىندا قازاقستان رەسپۋبليكاسىنىڭ ورتالىق سايلاۋ كوميسسياسى «قازاقستان رەسپۋبليكاسى پرەزيدەنتىنىڭ جارلىعىمەن تاعايىندالعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن تىركەۋ تۋرالى» قاۋلى قابىلدادى.
«قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋسيالىق زاڭىنا سايكەس تىركەۋدەن سوڭ دەپۋتاتتار قىزمەتىنە كىرىسەدى. تىركەۋدەن وتكەن سەنات دەپۋتاتتارىنا ءتيىستى كۋالىك پەن ومىراۋعا تاعاتىن بەلگى تاپسىرۋعا رۇقسات ەتىڭىزدەر»،- دەدى ق ر وسك باسشىسى بەرىك يماشيەۆ.
ورتسايلاۋكوم ءتوراعاسى بەرىك يماشيەۆ پارلامەنت سەناتى دەپۋتاتتارىنىڭ كۋالىكتەرى مەن ومىراۋعا تاعاتىن بەلگىلەرىن تىركەلگەن دەپۋتاتتار ايتپايەۆا ساۋلە مۇحانبەديان قىزى، ۆولكوۆ ۆلاديمير ۆاسيليەۆيچ، مۇسابايەۆ تالعات امانگەلدىۇلىنا تاپسىردى.
ايتا كەتەيىك، 2017 جىلعى 28 ماۋسىمدا ەلىمىزدە قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ ءوتىپ، بارلىق وڭىرلەردەن جانە استانا، الماتى قالالارىنان 16 دەپۋتات سايلانعان بولاتىن. ولار 2017 جىلعى 30 ماۋسىمدا ق ر ورتالىق سايلاۋ كوميسسياسىندا تىركەۋدەن ءوتتى.
شولۋشى: اسەم المۇحانبەت
پىكىر قالدىرۋ