قۇقىق قورعاۋ ورگاندارى جۇرتشىلىقتى تاعى دا ەسكەرتىپ جاتىر. ەندى زاڭ بويىنشا باسقا جەرگە ايدان اسا ساپارلاعان ادام 10 كۇن ىشىندە ۋاقىتشا تىركەۋگە تۇرۋعا مىندەتتى دەپ جازادى Qamshy.kz اقپاراتتىق اگەنتتىگى كتك ارناسىنا سىلتەمە جاساي وتىرىپ.

ايتپەسە، 7 ايلىق ەسەپتىك كورسەتكىش، ياعني 16 مىڭ تەڭگە كولەمىندە ايىپپۇل ارقالايدى. ءبىر جىلدا ەكىنشى رەت تىركەۋسىز ۇستالسا، 30 مىڭ تەڭگە تولەيدى. ەلدى دۇرلىكتىرگەن ۇكىمەت قاۋلىسى تەك 16 جاسقا تولماعاندارعا، دەنساۋلىق جاعدايىنا بايلانىستى ەمدەلىپ جاتقاندارعا جانە ۆاحتالىق ادىسپەن جۇمىس ىستەيتىندەرگە عانا جۇرمەيدى. ال ۋاقىتشا تىركەۋگە 1 ايدان 1 جىلعا دەيىن تۇرۋعا بولادى. ءبىراق، ودان كوپ مەرزىمگە كەلگەندەر ءتيىستى قۇجاتتارىن كورسەتكەن جاعدايدا ۋاقىتىن 4 جىلعا دەيىن ۇزارتا الادى. حالىققا قىزمەت كورسەتۋ ورتالىقتارىنان بولەك، عالامتور ارقىلى تىكەلۋگە دە مۇمكىندىك بار. ايتا كەتەرلىگى، ازاماتتاردىڭ تىركەۋسىز جۇرگەن ۋاقىتىن انىقتاۋ تەتىكتەرى زاڭدا سول كۇيى ناقتىلانباعان. سونداي-اق، پوليسەيلەر ەشكىمدى اڭدىپ ءجۇرىپ ۇستامايمىز دەپ وتىر.

سالتانات ازىربەك، الماتى قالاسى ءىىد رەسمي وكىلى:

-جەدەل الدىن الۋ جۇمىستارى بولادى دەگەن ءسوز ەمەس. بۇل ءوز جۇمىس بابىمەن مىسالى، ۋچاسكەلىك ينسپەكتور نەمەسە ءىز كەسۋشىلەر ازاماتتاردىڭ قۇجاتتارىن تەكسەرەتىن بولسا، ەگەر وسىنداي ولقىلىقتار، قاتەلىكتەر انىقتالاتىن بولسا عانا اكىمشىلىك جاۋاپكەرشىلىككە تارتىلادى.  

شولۋشى: اسەل بولات قىزى