پەتروپاۆلدا قانت باعاسى 30 تەڭگەگە قىمباتتادى دەپ حابارلايدى Qamshy.kz اقپارات اگەنتتىگى 24.kz-كە سىلتەمە جاساي وتىرىپ. وسىعان دەيىن كەلىسى 220-230 تەڭگەگە ساتىلعان شەكەردىڭ قۇنى ءقازىر كەي ساۋدا ورىندارىندا 270 تەڭگەگە دەيىن ارتقان. جاۋاپتى ماماندار مۇنىڭ وندىرۋشىلەردىڭ ماۋسىمدىق باعانى كوتەرۋىمەن بايلانىستى ەكەنىن ايتىپ وتىر.

پەتروپاۆل تۇرعىنى گالينا يۆانوۆا دۇكەندەگى قانت باعاسىنىڭ وزگەرگەنىن كورىپ، ەكى ويدا قالدى. گالينا يۆانوۆا، قالا تۇرعىنى: – سوڭعى رەت شەكەردى قىستا 198 تەڭگەدەن ساتىپ العان ەدىم. قىمباتتاپ كەتىپتى. جولداسىم ەكەۋىمىزگە جىلىنا ءبىر قاپ قۇمشەكەر قاجەت. امال جوق، بۇگىن بولماسا، ەرتەڭ كەلىپ الامىن.

ەلىمىزدە جەمىس-جيدەك ءپىسىپ، ناعىز توساپ قايناتاتىن شاق ءقازىر. وسىعان بايلانىستى قانتتىڭ باعاسى دا ءوسىپ وتىر. ماسەلەن، پەتروپاۆلدا قۇمشەكەردىڭ قۇنى ءار جەردە ءارتۇرلى. ءتىپتى 250 تەڭگەدەن باستالىپ، 300-گە دەيىن جەتەدى. ال جەرگىلىكتى اكىمدىكتەگىلەر بولسا باعانى نەگىزسىز كوتەرگەندەردى جاۋاپقا تارتامىز دەپ وتىر. بيىل سولتۇستىكتە ءتاتتى ءونىم تاپشىلىعى بولمايدى. ول ءۇشىن وڭىرگە 13 ۆاگون قانت جەتكىزىلمەك. سايكەسىنشە باعا كەلەر اپتادان باستاپ تۇراقتالادى.

مۇرات نۇرقانوۆ، وبلىستىق كاسىپكەرلىك جانە تۋريزم باسقارماسىنىڭ ءبولىم جەتەكشىسى: – الماتى قالاسىندا ج ش س بار. سول ءبىزدىڭ وبلىسقا نەگىزگى جەتكىزۋشى بولىپ تابىلادى. ونداعى جىبەرۋ باعاسى قىمباتتاعاننان ءبىزدىڭ وبلىستا دا قىمباتتاپ وتىر.

ونىڭ باعاسىن تۇراقتاندىرۋ ءۇشىن ءبىزدىڭ وبلىستا تۇراقتاندىرۋ قورى قالىپتاسقان. وعان وتكەن جىلى 884 توننا قانت كونتراكتىلەنگەن. سونىڭ 340 تونناسى وبلىسقا اكەلىنگەن. تارازدا قانت باعاسى باقىلاۋدا ال تارازدا قانتتىڭ كەلىسى نارىقتا 280-300 تەڭگە. كوممۋنالدىق دۇكەندەردە 240 شاماسىندا. وڭىردە باعا تۇراقتىلىعىن قامتۋ ءۇشىن اكىمدىك جانىنان قۇرىلعان ارنايى قور جۇمىس ىستەپ تۇر. مىڭ توننادان استام قانت ساقتاۋلى.

ءشامسات يسابەكوۆ، «تاراز» الەۋمەتتىك كاسىپكەرلىك كورپوراسياسىنىڭ باسشىسى: – ءبىزدىڭ تۇراقتاندىرۋ قورىمىزدا 10 پاۆيلونىمىز بار، ءبىر كوممۋنالدىق بازارىمىز بار. سول بازاردا ساتىلادى. تاعى دۇكەندەرىمىز بار. سول ارقىلى جىبەرىپ، سولار ساتىپ جاتىر. قانت قوردا بار. دۇكەندە بار. قىزىلوردا بازارلارىندا قانتتىڭ كەلىسى 260 تەڭگەدەن. ال قاپتاپ السا، ءار كەلىسى 248 تەڭگەگە ماڭايىندا. «ءبىر اي بۇرىن باعا كوتەرىلگەن»، – دەيدى تۇرعىندار.

ءقازىر ءونىم جەتكىلىكتى. تۇراقتاندىرۋ قورى ارقىلى ءتيىستى شارالار قابىلداندى. الماتى وبلىسىنداعى قانت زاۋىتىندا جوندەۋ ءجۇرىپ جاتىر بۇگىندە الماتى وبلىسىندا قانت شىعاراتىن ەكى كاسىپورىن بار. ونىڭ العاشقىسى جوسپارلى جوندەۋ جۇمىستارىنا جابىلسا، ەكىنشىسى جىل سوڭىندا قايتا ىسكە قوسىلماق. سوندىقتان ءقازىر ەلىمىزگە قۇمشەكەردىڭ باسىم بولىگى سىرتتان اكەلىنىپ جاتىر.

شولۋشى: اقنۇر مۇحتارحان