ماڭعىستاۋ وبلىستىق دەنساۋلىق ساقتاۋ باسقارماسىنىڭ بۇرىنعى باسشىسى مارال قادىردىڭ ءىسى ماڭعىستاۋ وبلىستىق قىلمىستىق ىستەر جونىندەگى سوت القاسىندا قارالدى، - دەپ حابارلايدى Qamshy.kz.
قايتا قارالعان ۇكىمگە ساي،  ەكس-باسشىسىنىڭ كامەلەتكە تولماعان قىزى ەسكەرىلگەن.

«اقتاۋ قالالىق سوتىنىڭ 2017 جىلدىڭ 5 مامىرىنداعى «ق ر قىلمىستىق كودەكسىنىڭ 366-بابىنىڭ 3-بولىگىنىڭ 1،4-تارماقتارى بويىنشا مارال قادىردى ايىپتى دەپ تانىپ، جەتى جىلعا باس بوستاندىعىنان ايىرعان» ۇكىمى وزگەردى. قازاقستاننىڭ قىلمىستىق كودەكسىنىڭ 55-بابىنىڭ 4-بولىگىن قولدانۋ ارقىلى وعان بەس جىلعا باس بوستاندىعىنان ايىرۋ جازاسى تاعايىندالدى. ۇكىمنىڭ قالعان بولىگى وزگەرىسسىز قالادى، سوتتالۋشى مەن ونىڭ قورعاۋشىسىنىڭ اپەللياسيالىق شاعىمى، سونداي-اق، پروكۋروردىڭ اپەللياسيالىق نارازىلىعى قاناعاتتاندىرىلمادى»، - دەپ مالىمدەگەن ماڭعىستاۋ وبلىستىق سوتىنىڭ باسپا ءسوز قىزمەتىنىڭ وكىلى گاۋحار نۇرحانوۆا. 

مارال قادىر 2016 جىلدىڭ تامىز ايىندا ماڭعىستاۋ وبلىستىق دەنساۋلىق ساقتاۋ باسقارماسى باسشىسى بولىپ تاعايىندالعان بولاتىن. ونىڭ الدىندا ۇزاق جىلدار وبلىستىڭ باس سانيتارى قىزمەتىن اتقارعان. مارال قادىردى 5 مامىردا اقتاۋ قالالىق سوتى 7 جىلعا باس بوستاندىعىنان ايىردى. سونداي-اق مۇلكى تاركىلەنىپ قانا قويماي، بەلگىلى ءبىر قىزمەتتەرگە تۇرۋدان ءومىر بويىنا شەتتەتىلگەن.