استانا قالاسىنداعى «قازاقستان» سپورت كەشەنىندە «استانا ارلاندارى» مەن «كۋبا دومادورەس» كوماندالارى اراسىنداعى جەكپە-جەكتە بەسىنشى بولىپ الاڭعا 75 كەلى سالماقتا ءابىلحان امانقۇل مەن ارەن لوپەس شىقتى. وكىنىشكە وراي ءابىلحان امانقۇل 47:48 47:48 47:48 ۇپاي ايىرماشىلىعىمەن جەڭىستى قولدان بەردى

ايتا كەتسەك بۇعان دەيىن، 56 كەلى سالماقتاعى يلياس سۇلەيمەنوۆ قارسىلاسى حاۆەر يبانەستى 48:47. 48:47. 48:47 ۇپاي سانىمەن جەڭسە،  باسەكەنىڭ العاشقى وينىندا يوحانۋس ارگيلاگوسپەن قولعاپ تۇيىستىرگەن تەمىرتاس ءجۇسۋپوۆ 5 راۋندتىق باسەكەدە ۇپاي سانىمەن قارسىلاسىنان باسىم تۇسكەن بولاتىن. الايدا 91 كەلى اۋىر سالماقتا انتون پينچۋك – ەريسلاندي ساۆونمەن شارشى الاڭعا شىعىپ، قارسىلاسىنا ەسە جىبەرسە ، ءتورتىنشى بولىپ الاڭعا 64 كەلى سالماقتا ەندي كرۋزعا قارسى ءدىلمۇرات ميجيتوۆ شىقتى. ول دا قارسىلاسىنا 47:48:48:47:48 ۇپايمەن ەسە جىبەرگەن ەدى.

ەستەرىڭىزگە سالايىق، سپورت دوداسى بۇكىل الەمدىك بوكس سەرياسى WSB جوباسىنىڭ VII ماۋسىمنىڭ فينالدىق جەكپە-جەگى بولىپ تابىلادى. بىرنەشە كۇن بۇرىن Qamshy.kz اقپارات اگەنتتىگى «استانا ارلاندارىنىڭ» باس باپكەرى نۇرلان اقۇرپەكوۆ مىرزانىڭ «كۋبا قابىلاندارى ءبىزدىڭ ارلاندار ءۇشىن قۇبىجىق ەمەس» اتتى سۇحباتىن جاريالاعان ەدى.
وندا، پرەزيدەنت كۋبوگىندا ءابىلحان امانقۇل ءبىر قولىنان جاراقات العانى، جۋىقتا دايىندىق ۇستىندە ەكىنشى قولىن دا جارالاپ العانى، سوندىقتان فينالدىق كەزدەسۋدە ورنىنا ساپارباي ايداروۆ شىعاتىنى ايتىلعان بولاتىن. كەيىننەن جاراقاتىنا بايلانىستى الاڭعا شىعار-شىقپاسى بەلگىسىز قالعان ءابىلحان امانقۇلعا دارىگەرلەردىڭ تەكسەرۋىنەن سوڭ رۇقسات ەتىلگەن بولاتىن.

ول تۋرالى باپكەرى اقۇرپەكوۆ «ءابىلحاننىڭ جاراقاتى اۋىرلاۋ بولعانى راس. ونىڭ ۇستىنە ول تامىز ايىندا گەرمانيانىڭ گامبۋرگ قالاسىندا وتەتىن الەم چەمپيوناتىنا قاتىسۋى كەرەك. ول دوداعا بايلانىستى وقۋ-جاتتىعۋ جۇمىستارى 12ء-شى شىلدەدە باستالادى»، - دەگەن ەدى.

ءبىر ايتا كەتەرلىگى كۋبالىقتار بۇل فينالعا كىلەڭ وليمپيادا، الەم چەمپيوندارىن، تەك قانا ءبىرىنشى نومەرلى بوكسشىلارىن اكەلگەن. ال «استانا ارلاندارى» كومانداسى ەكىنشى، ءۇشىنشى، ءتورتىنشى نومەرلى بوكسشىلاردان قۇرالسا دا وزبەكستان، رەسەي، ءازىربايجان، جۇڭگو، انگليا سياقتى ەلدەردىڭ تەك قانا ءبىرىنشى نومەرلى بوكسشىلارىن جەڭىپ، فينالعا جەتكەن.

كاسىپقوي بوكستا قازاقتىڭ تۋىن جەدبىرەتىپ جۇرگەن جىگىتتەر مەيىرىم نۇرسۇلتانوۆ، ماديار اشكەيەۆ جانە اسحات ۋاليحانوۆ بۇكىلالەمدىك بوكس سەرياسىنىڭ WSB جوباسى بويىنشا فينالعا شىققان «Astana Arlans» بوكسشىلارىنا ساتتىلىك تىلەگەن ەدى.