مەن 20.06. 2017 جىلى ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى ا. ي. مىرزاحمەتوۆكە حات جولداپ، رەسەيدىڭ «اگروبيزنەس» پورتالى وڭتۇستىك-قوراسان (يران) اۋىل شارۋاشىلىعى ۇيىمى قازاقستاننان 10 مىڭ گەكتار اۋىلشارۋاشىلىق جەرلەرىن جالعا الۋدى جوسپارلاپ وتىرعانىن مالىمدەدى، - دەگەن حابارعا بايلانىستى بىرنەشە سۇراق قويعان ەدىم.

بۇگىن،    ق ر اۋىل شارۋاشىلىعى ۆيسە-مينيسترى ە. نىسانبايەۆتان جاۋاپ الدىم. سونىمەن بىلگەنىمىز:

«اتالعان وبلىستاردىڭ جەرگىلىكتى اتقارۋشى ورگانداردىڭ مالىمەتىنە سايكەس، 2016 جىلعى 6 مامىرداعى «جەر زاڭناماسىنىڭ كەيبىر نورمالارىن قولدانۋعا موراتوريي ەنگىزۋ تۋرالى» ق ر پرەزيدەنتىنىڭ جارلىعىمەن موراتوريي جاريالانعاننان كەيىن يران ەلىنىڭ ۇيىمدارى مەن ازاماتتارىنا اۋىل شارۋاشىلىعى جەرلەرىن بەرىلمەگەنىن حابارلادى»،-دەيدى ۆيسە-مينيستر.

 سونىمەن قاتار، 2015 جىلى الماتى وبلىسى اكىمدىگى، جامبىل اۋدانىندا «Empire Food» («يمپەريا فۋد») ءجشس-سى (قۇرىلتايشىسى يران يسلام رەسپۋبليكاسى ەلىنىڭ ازاماتى) ساتىپ الۋ كەلىسىم-شارتتارى نەگىزىندە جالپى الاڭى 7،53 گا جانە 7،9085 شارۋا قوجالىعىن جۇرگىزۋ ءۇشىن بەرىلگەن جەر ۋچاسكەسىن قازاقستاندىق ازاماتتاردان ساتىپ العاندىعىن مالىمدەدى.

كەيىننەن، ق ر جەر كودەكسىنىڭ 66-بابىنا سايكەس، جامبىل اۋدانى اكىمدىگىنىڭ قاۋلىسىمەن «Empire Food» («يمپەريا فۋد») ءجشس-نىڭ جەكە مەنشىك قۇقىعىنداعى جەر ۋچاسكەلەرىنىڭ نىسانالى ماقساتى شارۋا قوجالىعىن جۇرگىزۋدەن تاۋارلى اۋىل شارۋاشىلىعىن جۇرگىزۋگە وزگەرتىلىپ، سايكەستەندىرۋ قۇجاتتارى ازىرلەنىپ، جەر پايدالانۋشىعا بەرىلگەن.

قورىتا كەلگەندە، زاڭ شەڭبەرىندە شەتەلدىك ازاماتتار قازاقستاننان جەردى جەكە مەنشىككە ساتىپ الا الادى.

اۋىلشارۋاشىلىق جەرلەرىنىڭ پايدالانۋ ماقساتىن جەرگىلىكتى اكىمدەر وزگەرتەدى. اۋىلشارۋاشىلىق جەرلەرىن ال دا، اكىمنىڭ كومەگىمەن پايدالانۋ ماقساتىن وزگەرتىپ ال. ءبىتتى جەر سەنىكى. وسىلايشا ءتۇرلى جولمەن شەتەلدىكتەر جەرىمىزدى جەكە مەنشىككە ساتىپ تا، جالعا دا الىپ جاتىر. 

سوندىقتان، ق ر اۋىلشارۋاشىلىق مينيسترلىگىمەن، پارلامەنت دەپۋتاتتارىمەن بىرلەسە وتىرىپ، جەرگە قاتىستى زاڭدارعا تولىقتاي ساراپتاما جاساپ، شۇعىل تۇردە تولىقتىرۋلار مەن وزگەرىستەر ەنگىزۋ قاجەت.

حالىق، بەلسەندىلەر جەردى رەتتەۋگە باعىتتالعان زاڭداردى وزگەرتۋدى تالاپ ەتىڭىزدەر.

جەر ەشكىمگە ساتىلماسىن، شەتەلدىكتەرگە جالعا دا بەرىلمەسىن!

ماقسات ءىلياس ۇلى