يتالياندىق ينۆەستورلار باتىس قازاقستان وبلىسىنىڭ ينۆەستيسيالىق مۇمكىندىكتەرىنە قىزىعۋشىلىق تانىتۋدا دەپ جازادى Qamshy.kz اقپاراتتىق اگەنتتىگى khabar.kz-كە سىلتەمە جاساي وتىرىپ. ءوڭىر اكىمىنىڭ باسپا ءسوز قىزمەتىندە حابارلاعانداي، يتاليانىڭ ميلان قالاسىندا وبلىس اكىمى التاي كولگىنوۆ باستاعان باتىسقازاقستاندىق دەلەگاسيانىڭ قاتىسۋىمەن بيزنەس-فورۋم ءوتتى. كەزدەسۋ ەلباسىنىڭ رەسپۋبليكامىزعا ينۆەستيسيا تارتۋ جونىندەگى تاپسىرماسىنا سايكەس ۇيىمداستىرىلدى.

شاراعا  كەلگەن ينجينيرينگپەن، مۇنايگاز سالاسىنا قۇرال-جابدىق شىعارۋمەن اينالىساتىن يتالياندىق ءىرى كومپانيالاردىڭ باسشىلارىنا باتىس قازاقستان وبلىسى ەكونوميكاسىنىڭ نەگىزگى سالالارى، ينۆەستيسيالىق الەۋەتى، ءوڭىردى مۇنايگاز كلاستەرىنە باعىتتالعان ماشينا جاساۋ ورتالىعىنا اينالدىرۋ جونىندەگى ءىس-شارالارى  تانىستىرىلدى. وبلىس اكىمى التاي كولگىنوۆتىڭ ايتۋىنشا، ەلىمىزدىڭ باتىس ايماعىنىڭ اگروونەركاسىپ ونىمدەرىنە دەگەن سۇرانىسىن تولىعى­مەن قاناعاتتاندىرۋعا بولادى.

سونىمەن قاتار ەاەو مەن ەو ەلدەرىنە دە ازىق-تۇلىك ەكسپورتىنىڭ كولەمى جىل وتكەن سايىن ارتىپ كەلەدى. بۇل باعىتتا شەتەلدىك ينۆەستورلار ءۇشىن ءتۇرلى جەڭىلدىكتەر قاراستىرىلعان. جالپى شەتەلدىك كومپانيالاردىڭ وبلىسقا ينۆەستيسيا سالۋعا قىزىعۋشىلىعى زور. وعان كابەلدى-سىمدى ونىمدەر شىعارۋمەن اينالىساتىن كاسىپورىن، جىلىجاي شارۋاشىلىعىنىڭ قۇرىلىسى، زامان تالابىنا ساي كەلەتىن جاڭا قوناق ءۇي سالۋ جوبالارى مىسال بولا الادى. رەسەيدىڭ بەس بىردەي گۋبەرنياسىمەن شەكتەسەتىن جانە جە­دەل قارقىنمەن دامىپ كەلە جاتقان باسقا دا ءتۇرلى جوبالار بار.

بۇدان بولەك، وبلىس اكىمى يتالياندىق كومپانيالاردى ەلوردادا ءوتىپ جاتقان EXPO-2017 كورمەسىن، سونداي-اق ورال قالاسىندا ءداستۇرلى تۇردە وتەتىن WestKazInvest–2017 فورۋمىن تاماشالاۋعا شاقىردى. وندا شەتەلدىك قوناقتارعا وتاندىق كاسىپكەرلەرمەن كەزدەسىپ، ءوزارا پىكىر الماسۋ، جاڭا ءونىم تۇرلەرىن شىعارۋ، بىرلەسكەن كاسىپورىن قۇرۋ تۋراسىندا كەلىسىممەن ۋاعدالاستىق جۇرگىزۋگە بارلىق جاعداي جاسالادى. فورۋمنان سوڭ وبلىس اكىمى يتالياندىق كومپانيا باسشىلارىمەن جەكە كەزدەستى. سونىڭ ناتيجەسىندە ءىرى ينۆەستورلار وبلىستىڭ بيزنەس الەۋەتىمەن جان-جاقتى تانىسۋ ءۇشىن اق جايىق وڭىرىنە ارنايى باراتىندارىن  جەتكىزدى.

شولۋشى: اسەل بولات قىزى