تۇرمىستا ايەلىنە زورلىق-زومبىلىق كورسەتكەن ەر ادامدار قىلمىستىق جاۋاپكەرشىلىككە تارتىلمايتىن بولدى. دەنساۋلىققا زاقىم كەلتىرۋ، ۇرىپ-سوعۋ سىندى باپتار اكىمشىلىك كودەكسكە اۋىستىرىلدى. ءدال ءقازىر تۇزەتۋ جۇمىستارى جۇرگىزىلىپ جاتىر، دەپ حابارلايدى Qamshy.kz اقپارات اگەنتتىگى 31 ارناعا سىلتەمە جاساپ.

گۇلميرا اسقاروۆا 6 جىلدان بەرى وزىنە زورلىق-زومبىلىق كورسەتىپ كەلە جاتقان كۇيەۋىمەن بىرگە تۇرىپ جاتىر. ايەل بارلىعى كىشكەنە تۇسىنىسپەۋشىلىكتەن باستالعانىن ايتادى. وسىعان قاراماستان گۇلميرا كۇيەۋىمەن ءبىر شاڭىراق استىندا تۇرىپ، ءوز جۇرتىنان كورگەن قورلىعىن جاسىرىپ كەلەدى.

“بۇل تۋرالى اتا-انام مەن تۋىسقاندارىما ايتۋعا ۇيالامىن. پوليسياعا بارىپ شاعىمدانۋعا دا ۇيالعان بولاتىنمىن”، – دەيدى گۇلميرا اسقاروۆا.

جىل سايىن قازاقستاندا 400-گە جۋىق ايەل كۇيەۋىنىڭ قولىنان قازا تابادى ەكەن. وسى ستاتيستيكالىق مالىمەتتەرگە قاراماستان، ەر ادامدار قىلمىستىق جاۋاپكەرشىلىككە تارتىلمايتىن بولدى.

“جازاۋلاۋدىڭ باسقا تۇرلەرى بولعانىن قالايمىز. سەبەبى، ءبىز ولاردى تۇرمەگە وتىرعىزعان جاعدايدىڭ وزىندە ءوزىمىز سالىق ارقىلى اسىرايتىن بولامىز. سول سەبەپتى، ولاردى ۋاقىتشا جازالاۋ، ايىپپۇل سالۋ، بەلگىلى ءبىر جۇمىس ىستەتۋ ارقىلى تۇزەتكەن ءجون”، – دەيدى مامان ءزۇلفيا بايساكوۆا.

شولۋشى: نازەركە لابيحان