قىرعىزستان پرەمەر-مينيسترى سوورونباي جەەنبەكوۆ ەل پرەزيدەنتتىگىنە نەگىزگى ۇمىتكەر رەتىندە ۇسىنىلدى دەپ جازادى Qamshy.kz
وسى ۋاقىتقا دەيىن قىرعىزستان پرەزيدەنتتىگى سايلاۋىنا قاتىسۋ ءۇشىن 26 ۇمىتكەر تىركەلگەن. سونىڭ ىشىندە قارسىلاستاردىڭ جەتەكشىسى ومىربەك تەكەبايەۆ ءوزىنىڭ ازىرلىگىن جاريالادى. قىرعىزستان پرەزيدەنتتىگىنە ۇمىتكەرلەردى تىركەۋ تامىز ايىنىڭ بىرىنە دەيىن جالعاسادى. قىرعىزستاننىڭ پرەزيدەنتتىك سايلاۋى بيىلعى جىلدىڭ قازان ايىنىڭ ون بەسى كۇنى وتەدى.
قىرعىزستان كونستيتۋسياسى بويىنشا، ءبىر ادام پرەزيدەنت قىزمەتىنە تەك ءبىر مەرزىمگە عانا سايلانادى. سىن ايتۋشىلار، ەلدىڭ قازىرگى پرەزيدەنتى المازبەك اتامبايەۆتىڭ تۇسىندا جاقىندا كونستيتۋسياعا ەنگىزىلگەن وزگەرتۋلەر پرەزيدەنتتىڭ قىزمەتىن السىرەتىپ، پرەمەر-مينيستردىڭ قۇزىرەتىن كەڭەيتتى دەپ سانايدى.
پىكىر قالدىرۋ