قازاقستاننىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى قۇبىلمالى اۋا رايى ساقتالادى، دەپ حابارلايدى Qamshy.kz اقپارات اگەنتتىگى قازگيدرومەت مالىمەتىنە سۇيەنىپ.

اقمولا، سولتۇستىك قازاقستان وبلىستارىندا كۇن كۇركىرەيدى، بۇرشاق تۇسەدى، جەلدىڭ ەكپىنى – 15-20 م/س، تۇندە كەي جەرلەردە تۇمان بولادى.

پاۆلودار، قاراعاندى، الماتى وبلىستارىنىڭ كەي جەرلەرىندە كۇن كۇركىرەيدى، بۇرشاق جاۋادى، پاۆلودار، قاراعاندى وبلىستارىندا – جەلدىڭ ەكپىنى – 15-20 م/س.

شىعىس قازاقستان، قوستاناي وبلىستارىندا كۇن كۇركىرەيدى، جەلدىڭ ەكپىنى – 15-20 م/س، كۇندىز بۇرشاق ءتۇسۋى مۇمكىن.

كۇندىز اقتوبە وبلىسىندا كەي جەرلەردە كۇن كۇركىرەيدى، جەلدىڭ ەكپىنى – 18 م/س.

كۇندىز اتىراۋ، باتىس قازاقستان وبلىستارىندا اپتاپ ىستىق بولادى.

وڭتۇستىك قازاقستان، قىزىلوردا وبلىستارىنىڭ باسىم بولىگىندە، باتىس قازاقستان، اتىراۋ، اقتوبە، قوستاناي، قاراعاندى، جامبىل، الماتى وبلىستارىندا كەي جەرلەردە توتەنشە ءورت ءقاۋپى ساقتالادى.