يزرايل پرەمەر-مينيسترى نەتانياحۋ سيريادا بىتىمگە كەلۋ تۋرالى اقش پەن رەسە كەلىسىمىنە قارسىلىعىن ءبىلدىردى، دەپ جازادى Qamshy.kz اقپارات اگەنتتىگى.
سيريانىڭ وڭتۇستىگىندە بىتىمگە كەلۋ تۋرالى رەسەي مەن اقش-تىڭ كەلىسىمىنە يزرايل بيلىگى قارسى شىقتى. جەرگىلىكتى ب ا ق جاريالاعان اقپاراتىنا سايكەس، يزرايل بيلىگىنىڭ تەرىس پىكىرى اقش پەن رەسەيدىڭ كەلىسىمى سيريا اۋماعىنداعى يراندىق كۇشتەردىڭ توپتاسۋىنا قارسى تۇرۋ ءۇشىن ارنالماعاندىقتان تۋىنداعان.
سونداي-اق، اقپاراتتا يزرايل يراننىڭ سيريا اۋماعىنداعى ەكسپانسياعا قاتىستى جوسپارىنان حاباردار ەكەنى مالىمدەلدى. مالىمدەمەگە سايكەس، يران سيريادا اسكەري-تەڭىز بازاسى مەن اۋە بازاسىن قۇرماق.
بۇدان بۇرىن رەسەي مەن اقش سيريانىڭ وڭتۇستىگىندە بىتىمگە كەلۋ تۋرالى كەلىسىمگە قول قويدى. اقش پرەزيدەنتى دونالد ترامپ اتالمىش كەلىسىمدى ەكى ەل اراسىنداعى قارىم-قاتىناستىڭ «ماڭىزى جوعارى تابىستى ۇلگىسى» دەپ اتادى.
شولۋشى: گۇلىم جاقان
پىكىر قالدىرۋ