18 شىلدەدە ساعات 18.00.-دەن باستاپ قابانباي باتىر جانە تۇران داڭعىلدارى، كەرەي جانىبەك كوشەسىنەن ۇلى دالا داڭعىلىنا دەيىن كولىك قوزعالىسىنا شەكتەۋ قويىلادى دەپ حابارلايدى Qamshy.kz اقپارات اگەنتتىگى. 

18 شىلدە كۇنى ساعات 20.00-دە «استانا ارەنا» ستاديونىندا استانا جانە سپارتاك يۋرمالا كوماندالارى اراسىندا فۋتبولدان ۋەفا چەمپيوندار ليگاسىنىڭ ەكىنشى كاسىبي راۋندى وتەدى.

وعان قوسا ەكسپو-2017 حالىقارالىق ماماندىرىلعان كورمەنىڭ اياسىندا 18 شىلدەدە ساعات 19.30-دا «سارىارقا» ۆەلوترەگىندە كورەي ەستراداسى جۇلدىزدارىنىڭ قاتىسۋىمەن كونسەرت وتەدى.

شەكتەۋ شارا اياقتالعانعا دەيىن جالعاسپاق. كولىكپەن ماڭگىلىك ەل، تۇركىستان جانە اقمەشىت كوشەلەرىمەن جۇرۋگە بولادى.

قالا تۇرعىندارى مەن قوناقتارى ستاديونعا قوعامدىق كولىكتىڭ 12 تۇرىمەن جەتە الادى:  № 10، 12، 27، 37، 40، 51، 53، 501، 502، 503، 505، 506.

ساعات 18.00.-دەن قالانىڭ 4 نۇكتەسىنەن «استانا ارەنا» ستاديونىنا اپاراتىن فۋتبول جانكۇيەرلەرى مەن كونسەرت كورەرمەندەرى ءۇشىن ارنايى اۆتوبۋس ۇيىمداستىرىلادى. اۆتوبۋستار «قازاقستان» سس تۇراعى، «نۇر استانا» مەشىتى، «جاستار» سارايى مەن استانالىق سيرك اۋماعىندا ۇيىمداستىرىلادى. جول اقىسى – 90 تەڭگە، جول بيلەتتەرى جارامسىز.

ويىندار مەن كونسەرتتەن كەيىن قالاعا № 10، 12، 28، 40، 51، 303 قوعامدىق كولىكتەرىمەن جەتۋگە بولادى. ساعات 21.00.-دەن باستاپ قابانباي باتىر داڭعىلىندا ورنالاسقان ستاديوننىڭ تۇراعى مەن «استانا ارەنا» ستاديونى» ايالداماسىنا ارنايى اۆتوبۋستار ۇيىمداستىرىلماق. «استانا ارەنا» ستاديونىنىڭ تۇراعىنا رەسمي قالالىق تاكسي تاسىمالداۋشىلارى كەلەدى.

استانا ق. ءىىد جەرگىلىكتى پوليسيا قىزمەتى كولىك جۇرگىزۋشىلەرگە سول كۇنى جول كەپتەلىستەرىنە تاپ بولماس ءۇشىن ارنايى باعىتتى الدىن الا ۇيىمداستىرۋعا كەڭەس بەرەدى.

قالا بيلىگى بۇقارالىق شارالاردى وتكىزۋ كەزىندە ءتارتىپ پەن تازالىق ساقتاۋعا ۇندەيدى.