قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆ ۇجىمدىق قاۋىپسىزدىك تۋرالى شارتى ۇيىمىنىڭ سىرتقى ىستەر مينيسترلەر كەڭەسىنىڭ وتىرىسىنا قاتىستى، دەپ جازادى Qamshy.kz اقپارات اگەنتتىگى. بۇل تۋرالى ق ر ءسىم باسپا ءسوز قىزمەتى حابارلايدى.

سىرتقى ساياسي ۆەدومستۆولار باسشىلارىنىڭ وتىرىسى بارىسىندا جاھاندىق جانە وڭىرلىك قاۋىپسىزدىكتىڭ وزەكتى ماسەلەلەرى، سونداي-اق بەلارۋستە جىلدىڭ ەكىنشى جارتىسىندا جوسپارلانعان ۇقشۇ ءسامميتىنىڭ مەرەيتويىنا دايىندىق تالقىلاندى.

ق. ءابدىراحمانوۆ ءوز بايانداماسىندا قازاقستان نەگىزىندە ترانسۇلتتىق سيپاتتاعى قازىرگى سىن-قاتەرلەر مەن قاۋىپتەرگە قارسى كۇرەس بويىنشا بىرىككەن شارالارعا زور ماڭىز بەرەتىنىن اتاپ ءوتتى. ول كيبەرقاۋىپسىزدىك جانە اقپاراتتىق تەحنولوگيالاردى زاڭسىز پايدالانۋ ماسەلەلەرىنە ايرىقشا كوڭىل ءبولدى، سونىمەن قاتار پرەزيدەنت نۇرسۇلتان نازاربايەۆتىڭ باستاماسىمەن قازاقستاندا ءارتۇرلى اۋقىمداعى حاكەرلىك شابۋىلداردان قورعاۋ ماقساتىندا قۇرىلاتىن «كيبەرقالقان» جۇيەسى تۋرالى ايتتى.

بۇل تۇرعىدا سىرتقى ساياسي ۆەدومستۆو باسشىسى كومپيۋتەرلىك توسىن وقيعالارعا دەن قويۋ بويىنشا ۇقشۇ ۇيلەستىرۋ كونسۋلتاسيالىق ورتالىعىنىڭ قىزمەتىن جانداندىرۋدى، سونداي-اق ستراتەگيالىق وبەكتىلەردىڭ قورعالۋ دەڭگەيىن جوعارىلاتۋ ءۇشىن جاڭا زەرتتەمەلەر بويىنشا تاجىريبەلەر، اقپاراتتار الماسۋدا ساراپشىلارمەن ءىس جۇزىندە ءوزارا ءىس-قيمىل جاساۋدى جولعا قويۋدى ۇسىندى.

سونىمەن قاتار، قازاقستاننىڭ سىرتقى ىستەر ءمينيسترى ەكسترەميزم مەن تەرروريزمگە قارسى كۇرەس ۇلتتىق دەڭگەيدە جۇرگىزىلىپ جاتقان جۇمىستار تۋرالى اقپارات بەردى.

ۇقشۇ مۇشە مەملەكەتتەر ءسىم باسشىلارىنىڭ نازارى قايتادان قازاقستان باسشىسىنىڭ بۇۇ شەڭبەرىندە ءتيىستى باستامالارىنا اۋدارىلدى.

كەزدەسۋ قاتىسۋشىلارى سيرياداعى جاعدايدى رەتتەۋ بويىنشا استانا پروسەسىنىڭ بارىسى تۋرالى اقپاراتتاندىرىلدى.

وتىرىس بارىسىندا قازاقستاندىق تاراپ باستاماشىلىق جاساعان اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىمگە وزگەرىستەر ماقۇلداندى. اتاپ ايتقاندا، ارىپتەستەرگە جەڭىلدەكتى شارتتاردا تاسىمالداناتىن اسكەري ماقساتتاعى ونىمدەرگە باعا بەلگىلەۋ ءتارتىبى ايقىندالادى.

ۇقۇش مۇشە مەملەكەتتەرىنىڭ سىرتقى ىستەر مينيسترلەرى اقپاراتتىق قاۋىپسىزدىكتى قامتاماسىز ەتۋ بويىنشا بىرلەسكەن شارالار تۋرالى مالىمدەمە قابىلدادى، وندا اقپاراتتىق تەحنولوگيالاردى قولدانۋ ارقىلى جاسالعان قىلمىستىڭ وسۋىنە الاڭداۋشىلىق اتاپ وتىلەدى. تاراپتار اتالعان سالاداعى قىلمىستارعا قارسى كۇرەس بويىنشا بەلسەندى جۇمىستاردى جالعاستىرۋ نيەتتەرىن ءبىلدىردى.

ۇقۇش سىمك جانىنداعى اۋعانستان بويىنشا جۇمىس توبىنىڭ قىزمەتىن جانداندىرۋ تۋرالى شەشىم قابىلداندى.

كەزدەسۋ قورىتىندىسى بويىنشا 2017 جىلعا ارنالعان بىرلەسكەن مالىمدەمەلەر تاقىرىپتارىنىڭ تىزبەسى جانە ۇقشۇ مۇشە مەملەكەتتەرى وكىلدەرىنىڭ 2017 جىلعى ەكىنشى جارتىجىلدىققا جانە 2018 جىلعى ءبىرىنشى جارتىجىلدىققا ارنالعان سىرتقى ساياسات، قاۋىپسىزدىك جانە قورعانىس ماسەلەلەرى بويىنشا كونسۋلتاسيالارىنىڭ جوسپارى بەكىتىلدى.

سونداي-اق، دەلەگاسيا باسشىلارى جانە ۇقۇش باس حاتشىسى بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن كەزدەستى.