ىستامبۇلدىڭ شىعىس تۇسىنداعى اۋدان ۋمرانيەنىڭ دۋدۋللى ماھاللەسىندەگى ۇلكەن داڭعىلداردىڭ بىرىنە ءال-قايدا ۇيىمىنىڭ نەگىزىن قالاعان ابۋللا اززامنىڭ اتى بەرىلگەن دەپ جازادى Qamshy.kz.

تەررورشىلار ءتىزىمىنىڭ سەركە ەسىمدەرىنىڭ ءبىرى، جاھاندىق جيھاد يدەولوگياسىنىڭ نەگىزىن سالعان ابدۋللا اززامنىڭ اتىنا كوشە بەرۋ رەسپۋبليكاشىل حالىق پارتياسىنىڭ شامىنا تيگەن. پرەمەر يىلدىرىمعا دەپۋتاتتىق ساۋال جولداعان پارتيا دەپۋتاتى تانىرق ۇلى تۇرىك پارلامەنتىندە «داڭعىلدىڭ ەسكى اتاۋى قانداي ەدى؟ تۇركيا ءال-قايدانى تەررور ۇيىمى دەپ تانۋدان باس تارتا ما؟ ەگەر ءال-قايدا تەررور ۇيىمى بولسا ونى قۇرۋشىنىڭ اتى كوشەگە قانداي نەگىزبەن بەرىلدى؟» دەپ ماسەلە كوتەرگەن.

ايتا كەتسەك، ءال-قايدا — 2996 ادامنىڭ ءومىرىن قيعان اتاقتى ەگىز مۇنارا تەررورلىق اكتىسىمەن الەمگە تانىس.  تۇركيا ءال-قايدانى تەررور ۇيىمى رەتىندە تانيدى. ءال-قايدا تۇركيادا العاش رەت 2003 جىلى تەرراكتتەر ۇيىمداستىرعان. 15-20 قاراشا اراسىندا ىستامبۇلدا بولعان 4 بىردەي تەرراكتتەن 59 كىسى ءولىپ، 750-دەن استام ادام جارالانعان. وسى تەرراكتتىڭ ەكىنشى جارىلىسىندا ۇلىبريتانيانىڭ تۇركياداعى باس كونسولى قايتىس بولعان.

ابدۋللا اززام — پالەستينانىڭ ىقپالدى ءدىنتانۋشى عالىمى بولعان. اۋعانستانداعى  سوۆەت اسكەرىمەن سوعىسۋعا مۇسىلمانداردى جيحادقا شاقىرىپ اتى شىققان. 1989 جىلى جارىلىستا قازا تاپقان.