ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا «نۇرلى جەر» تۇرعىن ءۇي قۇرىلىسى باعدارلاماسىن ىسكە اسىرۋدىڭ ارالىق قورىتىنىلارى قارالدى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ رەسمي سايتىنا سىلتەمە جاساپ.

ق ر ينۆەستيسيالار جانە دامۋ ءمينيسترى جەڭىس قاسىمبەك بايانداعانداي، «نۇرلى جەر» باعدارلاماسىن ىسكە اسىرۋ حالىق ءۇشىن تۇرعىن ءۇيدىڭ قولجەتiمدiلiگiن قامتاماسىز ەتۋ ماقساتىندا بيىل باستالدى. باعدارلاما بەس باعىتتان تۇرادى: حالىقتىڭ الەۋمەتتىك جاعىنان وسال توپتارى ءۇشىن جالعا بەرىلەتىن تۇرعىن ءۇي سالۋ؛ جەكە تۇرعىن ءۇي قۇرىلىسىن دامىتۋ؛ تۇرعىن ءۇي قۇرىلىس جيناقتارى جۇيەسى ارقىلى وتكىزىلەتىن نەسيەلىك تۇرعىن ءۇي سالۋ؛ جەكە قۇرىلىس سالۋشىلاردى تۇرعىن ءۇي سالۋعا ىنتالاندىرۋ؛ يپوتەكالىق كرەديت بەرۋدىڭ قولجەتىمدىلىگىن ارتتىرۋ.

ق ر يدم مالىمەتىنشە، ءبىرىنشى جارتىجىلدىقتا بارلىق كوزدەر ەسەبىنەن 5،5 ملن ش. م. (جوسپارعا 54%) نەمەسە 47،7 مىڭ پاتەر مەن ءۇي پايدالانۋعا بەرىلدى، بۇل 2016 جىلدىڭ وسى كەزەڭىنەن 11% جوعارى. مەملەكەتتىك قاراجات ەسەبىنەن «نۇرلى جەر» باعدارلاماسى اياسىندا 7،3 مىڭ پاتەر پايدالانۋعا بەرىلدى.

باعدارلامانىڭ ءتورت باعىتىن ىسكە اسىرۋ تۋرالى «بايتەرەك» حولدينگىنىڭ باسقارما ءتوراعاسى ە. دوسايەۆ باياندادى. وڭىرلەردەگى جاعداي تۋرالى سولتۇستىك قازاقستان جانە پاۆلودار وبلىستارىنىڭ اكىمدەرى ق. اقساقالوۆ پەن ب. باقاۋوۆ بايانداما جاسادى.

ماسەلەنى قاراۋدى قورىتىندىلاي كەلە، ق ر پرەمەر-مينيسترى باقىتجان ساعىنتايەۆ ق ر ينۆەستيسيالار جانە دامۋ مينيسترلىگى مەن «بايتەرەك» حولدينگىنە حالىقتىڭ قاجەتتىلىكتەرى مەن ازاماتتاردىڭ ونى ساتىپ الۋعا دايىندىعىن ەسكەرە وتىرىپ، بولىنەتىن قاراجاتتى جانە تۇرعىن ءۇي قۇرىلىسى كولەمىن جوسپارلاۋدى باقىلاۋعا الۋدى تاپسىردى.

مەملەكەت باسشىسىنىڭ تاپسىرماسى بويىنشا، «نۇرلى جەر» باعدارلاماسىن ىسكە اسىرۋ اياسىندا بولىنەتىن قاراجاتتى ماقساتتى جۇمساۋدى قامتاماسىز ەتۋ جانە جەكە قۇرىلىس سالۋشىلاردى تارتۋ بويىنشا جۇمىستى كۇشەيتۋ قاجەت.   

وبلىس اكىمدىكتەرىنە «نۇرلى جەر» باعدارلاماسىنىڭ بارلىق باعىتتارى بويىنشا جۇمىستى جانداندىرۋ، جاپپاي قۇرىلىس سالاتىن جەرلەردى الدىن الا انىقتاۋ جانە تاياۋ جىلدارعا تۇرعىن ءۇيدى پايدالانۋعا بەرۋ جوسپارلارىندا قاراستىرىلعان كولەمدە جوبالىق-سمەتالىق قۇجاتتاما جاساۋعا جەرگىلىكتى بيۋدجەتتەن ۋاقىتىلى قاراجات ءبولۋدى قامتاماسىز ەتۋ تاپسىرىلدى.