«قازگيدرومەت» ورتالىعىنىڭ حابارالاۋىنشا، الداعى ءۇش كۇندە استانادا جاڭبىر جاۋىپ، نايزاعاي وينايدى.

19 شىلدە كۇنى كۇن قۇبىلمالى بولادى دەپ بولجانۋدا، جاڭبىر جاۋىپ، نايزاعاي وينايدى، بۇرشاق جاۋۋى ىقتيمال. سولتۇستىكتەن جەل سوعادى، سولتۇستىك-باتىستان سوعاتىن جەلدىڭ جىلدامدىعى 9-14 م/س قۇرايدى، كۇندىز جەلدىڭ ەكپىنى 15-20 م/س-قا جەتەدى. تۇندە اۋا تەمپەراتۋراسى +11+13 گرادۋستى قۇراماق، كۇندىز اۋا باعامى +22+24 گرادۋس جىلىلىقتى كورسەتەدى.  

استانادا 20 جانە 21 شىلدەدە اۋا رايى تۋرا وسى قارقىندا بولادى دەپ كۇتىلۋدە.

ونىمەن بىرگە قالانىڭ كوممۋنالدى قىزمەتى قاتتى جاۋعان جاڭبىردىڭ سالدىرىن جەدەل تۇردە جويۋدا.

ماسەلەن، «الماتى» اۋدانى بويىنشا «استانا تازالىق» ج ش س كۇندىزگى اۋىسىمدا 37 اس تەحنيكا كولىگى مەن 2 موتوپومپا  جۇمىسقا تارتىلعان. اتاپ ايتقاندا ارنايى تەحنيكا جەكە سەكتورلارعا جۇمىلدىرىلعان.

«سارىارقا» اۋدانىنىڭ اۋماعىندا جاڭبىردىڭ سۋلارىن سورىپ الۋ ءۇشىن 16 اس تەحنيكاسى جۇمىلدىرىلعان. جۇمىس ەكى اۋىسىمدا جۇرگىزىلۋدە. وعان قوسا، ءوندىرىس تۇرعىن كەشەنىندە كۇن سايىن توپىراق سۋلارىن سورىپ الۋ جۇمىسى جۇرگىزىلەدى.

«ەسىل» اۋدانى بويىنشا جاڭبىردىڭ سالدارىن جويۋعا 38 اس تەحنيكا كولىگى جۇمىلدىرىلعان.

سۋدى سورىپ الۋ جانە سۋ دەڭگەيىنىڭ كوتەرىلۋىن الدىن الۋعا باعىتتالعان جۇمىس ۇزدىكسىز اتقارىلۋدا. قالا بيلىگى تۇرعىندار مەن قوناقتارعا توتەنشە جاعداي ورىن العان جاعدايدا «109» قىزمەتىنە حابارلاسۋعا كەڭەس بەرەدى.