قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى اۋىستى، دەپ جازادى Qamshy.kz اقپارات اگەنتتىگى قازاقپارات مالىمەتىنە سۇيەنىپ.

وسك باسپا ءسوز قىزمەتىنىڭ حابارلاۋىنشا، 18 شىلدەدە ورتسايلاۋكوم وتىرىسىندا كوميسسيا مۇشەسى ءسابيلا ساپار قىزى مۇستافينا روتاسيا تارتىبىمەن قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى بولىپ سايلاندى.

2017 جىلعى 15 ماۋسىمدا «قازاقستان رەسپۋبليكاسىنداعى سايلاۋ تۋرالى» ق ر كونستيتۋسيالىق زاڭىنىڭ 11-بابىنىڭ 2-تارماعىنا وزگەرىستەر مەن تولىقتىرۋلار ەنگىزىلدى. وسىعان سايكەس قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى وسك وتىرىسىندا سايلانادى.

ايتا كەتەرلىگى، بۇعان دەيىن 10 جىل بويى ورتسايلاۋكوم حاتشىسى بولعان باقىت مەلدەشوۆ كوميسسياداعى قىزمەتىن وسك مۇشەسى رەتىندە جالعاستىرا بەرەدى.